NAMBAR 8:2 - Lai (Hakha) Common Language Bible 2006

² “Aaron sinah, ‘Meiinn na van hna tikah, meiinn pasarih hna nih khan meiinn tung hmailei kha an ceuh awk a si lai,’ tiah va chim,” tiah a ti.

NAMBAR 8:2 Խաչաձեւ Հղումներ

EXODUS 25:37

Mei vannak tung caah cun meiinn pasarih na ser hna lai i na chiahning hna cu hmailei ceuh hna seh tiin a si lai.

BIAPHUAN 4:5

Bawiṭhutdan cun nimtlau aa lek i khuari thawng kha a thang. Bawiṭhutdan hmaiah cun meifar vanmi pasarih an um i cu hna cu Pathian thlarau pasarih kha an si.

BIAPHUAN 1:20

Ka orhlei kut i na hmuhmi arfi pasarih hna le sui mei vannak pasarih hna an sullam biathli cu hihi a si: arfi pasarih hi Khrihfabu hna i an vancungmi kha an si i mei vannak pasarih hna hi Khrihfabu pasarih hna kha an si,” tiah a ti.

BIAPHUAN 1:12

A ka chawntu cu ahodah a si hnga tiah ka hun i mer i cuka ah cun sui mei vannak pasarih ka hmuh hna.

2 PETER 1:19

Cucaah cun profet hna nih an rak chimmi bia kha kan zumh chinchin. Cu bia cu nannih zong nih ṭha tein nan ngaih ahcun a ṭha lai, zeicahtiah khua a hung dei i deirel arfi nan lung chung i a hung ceu hlantiang, muihnak hmun i a ceumi mei-inn bantuk khi, cu bia cu a si.

JOHAN 1:9

Ceunak taktak cu vawlei cungah a ra i mi vialte a ceuhtu ceunak kha a si.

MATTHAI 5:14

“Nannih cu vawlei ceunak nan si. Tlang cungah an tlakmi khua cu zeihmanh nih a phen kho lo.

SALM 119:130

Na kan cawnpiaknak fianternak nih khan ceunak a chuahpi, hngalhnak a tlawmmi kha fimnak a pek hna.

SALM 119:105

Na bia cu ka ke caah meiinn a si, ka lam ah ceunak a si.

LEVITIKAS 24:4

Sui thiang in sermi meiinn tung cungah khan meiinn hna cu a ningcang tein a chiah camcin hna lai.

EXODUS 40:25

Bawipa hmaiah meiinn tung cungah cun meiinn kha a chiah hna i cucu Bawipa nih a chimhning te khan a si.

EXODUS 37:23

Cun meiinn tung caah cun meiinn pasarih a ser hna; cun a cengceh le a vutcam ruhnak cu sui thiang in a ser hna.

ISAIAH 8:20

Sihmanhsehlaw nannih nih cun, “Bawipa nih an cawnpiakmi hna kha ngai ko u! Thitlawng bia kha ngai hna hlah u — an chimmi nih zeihmanh an ṭhathnem hna lai lo, tiah nan leh hna lai,” a ti.

NAMBAR 8:1

Bawipa nih Moses cu a chawnh i,

NAMBAR 8:3

Aaron nih cu bangin a tuah; cu ka meiinn hna cu meiinn tung hmailei kha ceuh dingin a van hna, Bawipa nih Moses nawl a pek bang khan.

EXODUS 39:37

sui thiang in sermi meiinn tung, a meiinn hna, a tlar in chiahmi meiinn hna, an thilthuam vialte, meiinn ca chiti,