NAMBAR 8:14 - Lai (Hakha) Common Language Bible 2006

¹⁴ “Cu bangin Levi mi cu Israel mi hna lakin na thleidan hna lai i Levi mi cu keimah ta an si lai.

NAMBAR 8:14 Խաչաձեւ Հղումներ

MALAKHI 3:17

Ralkapbu Bawipa nih aa thawh i, “Annih cu keimah ta an si lai, ka thimmi ni a phak tik i keimah ca i ka zuah dingmi ka ta an si lai, cun mipa nih a rian a ṭuantu a fapa kha a zuah bantukin annih cu ka zuah hna lai.

NAMBAR 18:6

Cun zohhmanh, nan unau Levi mi hna cu Israel mi hna chungin ka lak cang hna; annih cu tonnak thlam rianṭuan awk i Bawipa sin le nan sin i pekmi laksawng an si.

NAMBAR 3:45

“Levi mi hna cu Israel mi hna lak i fater vialte can ah la hna law, Levi mi saṭil hna cu an saṭil can ah la hna; cun Levi mi cu keimah ta an si lai: keimah cu Bawipa ka si.

HEBRU 7:26

Cucaah Jesuh cu kan duhnak a tlinter khotu Tlangbawi Ngan cu a si; palhnak a ngei lo, sualnak a ngei lo; misual mi hna lak khan ṭhen a si i vancung ah khin cawi a si.

GALATI 1:15

Sihmanhsehlaw Pathian nih a ka zaangfah caah, ka chuah hlan khan a ka thim i amah rian ṭuantu dingah khan a ka auh. Cun Jentail mi hna sinah Thawngṭha cu ka chim nakhnga,

ROM 1:1

Khrih Jesuh sal le Pathian nih a Thawngṭha chim awkah a thim i a auhmi lamkaltu keimah Paul nih ca kan kuat hna.

DEUTERONOMI 10:8

Khi caan ah, Bawipa biakamnak kuang put awk le amah min in thluachuah pek le amah ca rianṭuan awk i Bawipa hmai i dir awkah, Bawipa nih Levi phun cu nihin tiang aa thleidan hna.

NAMBAR 8:17

Zeitintiah Israel mi hna lak i fater vialte cu minung i a si ah, saram i a si ah, keimah ta an si; Izipt ram chung i fater vialte ka rak thah hna ni ah khan keimah caah annih cu ka thianter cang hna i,

NAMBAR 6:2

“Israel mi cu va chim tuah hna, pa nih siseh, nu nih siseh a si khunmi biakamnak, Nazir biakamnak, Bawipa sin i i thleidan awkah a tuah tikah,

NAMBAR 3:12

“Zohhmanh, Levi mi hna cu Israel mi hna lak in Israel mi hna lak i fater, nu paw chungchuak hmasa bik hna, can-ai ah ka lak cang hna. Levi mi cu keimah ta an si lai,

NAMBAR 8:13

Cun Levi mi hna cu Aaron le a fapa hna hmaiah na umter hna lai i, Bawipa sin i hninh thawinak caah na pekchanh hna lai.

NAMBAR 3:9

Cun Levi mi hna cu Aaron le a fapa hna kha na pek hna lai; annih cu Israel mi chung in amah sinah an ning piin pekmi an si.