NAMBAR 7:62 - Lai (Hakha) Common Language Bible 2006

⁶² sui pakan pakhat shekel pahra a ritmi, zihmui a khat tein;

NAMBAR 7:62 Խաչաձեւ Հղումներ

HEBRU 13:15

Cucaah Pathian cu thangṭhat zungzal ko u sih. Cu thangṭhatnak cu Jesuh min kan kaa in kan phuan kha a si i cucu Jesuh thawngin Pathian sinah kan pekchanhmi kan raithawinak a si.

FILIPI 4:18

Cucaah hi ca kan kuatmi hna hi, bawmhnak nan ka kuatmi vialte ka hmuh dih hna tinak ca a si — kaa zat leng tiangin nan ka kuat. Epafroditas nih nan laksawng cu a rak ka phorh i ka herhmi vialte cu ka ngei dih ko cang. Hi nan laksawng hi Pathian nih a duh i a cohlanmi raithawinak, rimhmui pekchanhmi bantuk an si.

ROM 15:16

Khrih Jesuh sal sinak nawl a ka pekmi ruangah hin a si. Jentail mi cu Pathian cohlan awk tlakmi raithawinak an si nakhnga le Thiang Thlarau thawngin Pathian sin pekmi an si nakhnga, Pathian sin i a rami Thawngṭha ka chimnak ah hin tlangbawi bantuk ka si.

DANIEL 9:27

Cu a ṭhawngmipa nih cun mi tampi he zarh khat chung a fekmi biakamnak a tuah lai i raithawinak le pekchanhnak kha zarh cheu chung a ngolter hna lai. Biakinn a sannak bik hmun ah khan ṭhiotu fihnung caah donghnak caan Pathian nih a timhmi a phak hlantiang cuka ah cun ṭiaonak chuahtertu thil fihnung cu a um lai.

ISAIAH 66:20

Nan phunhawi vialte hna kha, miphun dang hna sin cun, ka sinah laksawng ah, an rak kirpi hna lai. Jerusalem i ka tlang thiang ah khan rang cung le laa cung le kalauk cung le rangleng in an ratpi hna lai, Israel mi nih Biakinn ah biaknak lei in a thiangmi bawm in rawl kha an ratpi bantukin an ratpi hna lai.

SALM 112:2

Cu bantuk mi hna fale cu ram chungah hin miṭhawng an si lai, miṭha mi hna fale cu thluachuah hmumi an si lai.

BIAPHUAN 5:8

Cu ti a va lak ahcun saram nung pali hna le upa kul le pali hna kha Tuufa hmaiah cun an kun. Pakhat nih tingtang pakhat cio le zihmui a khatmi sui kheng pakhat cio an i put, sui kheng chung zihmui cu Pathian mi hna thlacamnak kha a si.

BIAPHUAN 8:3

A dang vancungmi pakhat, zihmui khanghnak umte pakhat aa putmi kha a ra i biakṭheng pawngah cun a ra dir. Pathian mi hna an thlacamnak i toih awkah le bawiṭhutdan hmai i a ummi sui biakṭheng cung i khangh awkah zihmui tampi an pek.

BIAPHUAN 8:4

Pathian hmai i a dirmi vancungmi kut cun zihmui khu cu Pathian mi hna thlacamnak he khan an kai ṭi.

NAMBAR 7:61

a pekchanhmi cu mah hi an si, ngun kheng pakhat shekel za khat le sawm thum a ritmi, ngun pakan kuar pakhat shekel sawm sarih a ritmi, hmunthiang shekel ningin, an pahnih in changvut thawinak ca i chiti he cawhmi changvut dip a khat veve in;

NAMBAR 7:63

khangh thawinak ca i cawtum no pakhat, tuukawng pakhat, tuufa a pa kum khat a timi pakhat;