NAMBAR 6:3 - Lai (Hakha) Common Language Bible 2006

³ zu le zureu din awk kha a hrial lai; zu in siseh, zureu in siseh, sermi a thormi zong kha a ding lai lo, cun mitsur hang zong a ding lai lo, mitsur thei zong a ei lai lo, a hring in siseh, a car in siseh.

NAMBAR 6:3 Խաչաձեւ Հղումներ

LUKA 1:15

Zeicahtiah amah cu Bawipa hmaiah mi ngan a si lai. Zu siseh, zureu siseh, zeihmanh a ding lai lo. A chuahka hrimhrim in Thiang Thlarau in a khat lai;

1TIMOTE 5:23

Ti lawng kha ding ti loin, na paw a fak lengmangmi kha an bawmh nakhnga, zu kha tlawmpal in rak ding.

EFESA 5:18

Zu ri hlah u, zu cu nanmah hrawktu lawnglawng a si ko, Thlarau tu khan khat deuh u.

AMOS 2:12

Sihmanhsehlaw nannih nih Nazir mi kha zu nan dinter hna i Profet hna cu bia chim hlah u, nan ti hna.

BIACEIHTU 13:14

Mitsur ruang in a chuakmi paohpaoh ei hlah seh, cun mitsur zu siseh a ṭhawngmi zu zong siseh ding hlah seh, cun a thianglo zeihmanh ei hlah seh; nawl ka pekmi vialte kha amah nih ul seh,” tiah a ti.

LEVITIKAS 10:9

“Nangmah nih siseh, na fapale hna nih siseh, tonnak thlam chungah nan luh tikah mitsur hang siseh zu siseh nan ding lai lo, nan thih sual nakhnga lo; mah cucu a zungzal in nan tefa hna chan tiangin nawlbia a si lai.

1THESALON 5:22

thil ṭhalo paohpaoh kha hrial hna u.

LUKA 21:34

“I ralring tuah u. Zudin sa-einak le khuasak tintuk harnak lawng kha ruat hlah u, cu ti nan si ahcun cu Ni nih cun ruah lopi ah rap bantukin an foih sual hna lai.

HEBRU 9:10

Cu laksawng le raithawinak hna nih an tuah khawhmi cu rawl kong le din awk kongkau le i thianhnak phunglam a phunphun lawng kha an si. Hi thil vialte hi lenglei phunglam lawng an si i, Pathian nih zeizong vialte a remh ṭhan caan ca tiang lawng an si.

NAMBAR 6:4

Aa thleidan chung vialte cu mitsur ruang in a chuakmi thil zeihmanh a ei lai lo, a ci le a hawng hmanh a ei hna lai lo.

BIACEIHTU 13:4

Cucaah i ralring tuah, mitsur zu siseh a ṭhawngmi zu siseh na ding lai lo i a thianglo zeihmanh na ei lai lo,

AMOS 2:11

Nan fapa hna lakin profet ka chuahter hna i Nan tlangval hna lakin Nazir mi ka chuahter hna. Nannih Israel mi hna, cuticun a si taktak ko lo maw? tiah Bawipa nih a ti.