NAMBAR 6:27 - Lai (Hakha) Common Language Bible 2006

²⁷ “Cu bangin ka min cu Israel mi hna cungah an chiah lai i thluachuahnak ka pek hna lai,” tiah a ti.

NAMBAR 6:27 Խաչաձեւ Հղումներ

2 CHANRELNAK 7:14

ka min in kawhmi ka mi hna nih khan an lung an ṭhumh i thla an cam i ka hmai kha an kawl i an lam ṭhalo khan an i mer ahcun, van khin ka run theih lai i an sualnak cu ka ngaihthiam hna lai i an ram cu ka damter lai.

DEUTERONOMI 28:10

Cun vawleicung mi vialte nih Bawipa min in kawh nan si kha an hngalh lai i, an in ṭih hna lai.

EFESA 1:3

Kan Bawipa Jesuh Khrih i a Pa le a Pathian cu lawm ko u sih. Zeicahtiah Khrih he kan i pehtlaihnak thawngin kannih cu vancung ram ah hin thlarau laksawng phun kip kha a kan pek.

JEREMIAH 14:9

Chikkhatte i teimi bantuk maw na si ko hnga? Amah le amah aa khamh kho lomi bantuk maw na si ko lai? Maw Bawipa, nang cu kan lakah na um i Kannih cu, Ka ta nan si, tiah na kan ti; Kan kaltak sawh hlah.

ISAIAH 43:7

Annih cu keimah mi an si i keimah sunparnak petu dingah ka sermi an si,” a ti.

SALM 5:12

Bawipa, na nawl a ngaimi cu thluachuah na pek hna, na zaangfahnak nih phaw bantukin a huhphenh hna.

1 CHANRELNAK 4:10

Jabez nih cun Israel Pathian cu a auh i, “Nangmah nih thluachuahnak ka pe law ka ramri kauhter law na kut cu ka sinah um seh law keimah cu harnak nih a ka tlunh nakhnga lo harnak chungin ka huppheng ko sawh,” tiah a ti. Cun Pathian nih a halmi kha a pek.

GENESIS 32:29

Jakob nih, “Na min ka chim,” tiah a ti i asinain anih nih, “Zeicahdah ka min cu na ka hal?” a ti. Cun Jakob cu thluachuah a pek.

MATTHAI 28:19

Cucaah khuazakip ah va kal u law miphun vialte kha ka zultu ah va ser hna u; Pa le Fapa le Thiang Thlarau min in tipilnak va pe hna u law,

SALM 67:7

Pathian nih thluachuah a kan pek; vawleicung mi zakip nih upat hna seh.

GENESIS 32:26

Mipa nih cun, “Ka thlah, khua a dei deng cang,” a ti. Sihmanhsehlaw Jakob nih cun, “Thluachuahnak na ka pek lo ahcun kan thlah bal lai lo,” tiah a leh.

2 SAMUEL 7:23

Pathian nih amah mi si awk ca i tlanh awkah a kalhnawh hna i amah ca i min pakhat i ser i, amah mi hna hmai in miphun pakhat le cu miphun khuazing hna kha ṭhawl in annih cu thil lianngan le ṭihnung a tuahpiakmi hna, na mi Israel mi hna bantuk hi, vawlei cungah hin zei miphun tal an um ti maw?

EXODUS 6:3

Abraham le Isak le Jakob sinah Lianngan Bik Pathian in ka rak lang. Annih sinah khan ka min in ka rak i langh lo, ka min cu Bawipa a si.