NAMBAR 6:26 - Lai (Hakha) Common Language Bible 2006

²⁶ Bawipa nih mithmai ṭha in pe hna seh law, daihnak in pe ko hna seh, tiah nan chim lai,’ tiah chim hna.

NAMBAR 6:26 Խաչաձեւ Հղումներ

SALM 4:6

“Thluachuahnak hmu u si law kan hei duh hringhran dah,” a timi tampi an um. Maw Bawipa, kan cungah zaangfahnak run ngei ko.

2 THESALON 3:16

Daihnak hram a simi Bawipa nih lam phunphun in daihnak kha in pe ko hna seh. Bawipa cu nan dihlak sinah um ko seh.

SALM 29:11

Bawipa nih a mi cu thazang a pek hna i thluachuah daihnak a pek hna.

ROM 15:13

Thiang Thlarau ṭhawnnak thawngin nan i ruahchannak cu a ṭhan lengmang nakhnga, ruahchannak hram Pathian nih cun, amah nan zumhnak thawngin lunglawmhnak le daihnak he in khahter ko hna seh.

JOHAN 16:33

Nannih nih keimah he nan i pehnak thawngin lungdaihnak nan hmuh nakhnga, hihi kan chimh hna. Vawlei nih hin harnak an pek hna lai, sihmanhsehlaw ṭih hlah u. Vawlei cu ka tei cang,” tiah a ti.

LAMKALTU 2:28

Nunnak lei kalpitu lam kha na ka hmuhsak i Nangmah cu ka sinah na um caah lawmhnak in ka khat,’ a rak ti.

ISAIAH 26:3

Bawipa, nangmah nih, an i tinhmi kha fek tein aa tlaih i nangmah an bochanmi cu, a tlingmi daihnak kha na pek hna.

ROM 15:33

Cun kan daihnak tihna Pathian cu nan dihlak sinah um ko seh. Amen.

JOHAN 20:21

Cun Jesuh nih cun, “Nan cungah daihnak um ko seh, Ka Pa nih a ka thlah bantukin kei zong nih kan thlah ve hna,” tiah a ti ṭhan hna.

SALM 42:5

Zeicahdah ka ngaih a chiat? Zeicahdah ka lungre a theih? Pathian cu kaa bochan ṭhan lai i ka Khamhtu le ka Pathian cu ka thangṭhat ṭhan lai.

FILIPI 4:7

Cun Pathian daihnak, minung hngalhnak a lonhtu nih cun, Khrih Jesuh chungah nan lungthin le nan ruahnak cu him tein a chiah lai.

LUKA 2:14

“A sang bik van ah khin Pathian cu sunparnak hmu ko seh, Cun a dawtmi hna umnak vawlei ah hin remnak um ko seh,” tiah an ti.

ISAIAH 57:19

An dihlak in, lamnai i a ummi he lamhla i a ummi he, daihnak kan pek hna lai, ka ti hna. Ka mi cu ka damter hna lai.

ISAIAH 26:12

Bawipa, nangmah nih rumnak na kan pek lai; kan tuah khawhmi thil vialte hi nangmah tuahmi lawngte an si dih.

SALM 89:15

Hla in nangmah an biami cu milunglawm an si, na zaangfahnak ceunak chung i a ummi cu lunglawmmi an si.

SALM 37:37

Miṭha khi zohhmanh u, miding khi zohhmanh u; daihnak mi cu tefa an ngei;

LAMKALTU 10:36

Mi vialte Bawipa a simi Jesuh Khrih thawngin Pathian nih remnak Thawngṭha Israel mi a pek hna cu nan hngalh.

JOHAN 20:26

Cu hnu zarh khat ah khin a zultu hna cu inn chungah khan an um ṭhan i Thomas zong kha a um ve. Innka cu an hrenh dih hna, sihmanhsehlaw Jesuh cu a rung lut i an lakah khan a dir, “Nan cungah daihnak um ko seh,” tiah a ti.

JOHAN 14:27

“Daihnak kan chiahtak hna, keimah daihnak cu kan pek hna. Vawlei nih an pek hna bantukin kan pe hna lo. Lungrethei le vansang au in um hlah u: nan thin zong phang hlah u.

MIKAH 5:5

Amah cu daihnak mi a si lai. Assiria mi cu kan ram chung i an rung luh tikah le Kan ralhau hna kha an baoh khawh hna tikah, Anmah dohtu dingah kan hruaitu a ṭhawng bikbik kha kan thlah hna lai.

SALM 44:3

Hi ram cu na mi nih an nam in an teimi a si lo, anmah ṭhawnnak in an teimi zong a si lo; nangmah lianhngannak le ṭhawnnak in a si i nangmah nih na dawt hna langhternak caah an sin i na umhnawh hnanak tu nih khan hi ram cu a tei.

EFESA 6:23

Daihnak le dawtnak cu zumhnak he, Bawipa Jesuh Khrih i a Pa le a Pathian nih in pe ko hna seh.

ROM 5:1

Atu cu zumhnak thawngin thiamcoter kan si caah kan Bawipa Jesuh Khrih thawngin Pathian he kan i rem.