NAMBAR 6:20 - Lai (Hakha) Common Language Bible 2006

²⁰ cun tlangbawi nih Bawipa hmai i hninh thawinak ah a hninh hna lai; annih cu tlangbawi ca i a thiangmi covo an si, a ii hninhmi le a phei thawimi he khan; cu hnuah cun Nazir mi nih cun mitsur hang a din khawh lai.

NAMBAR 6:20 Խաչաձեւ Հղումներ

PHUNGCHIMTU 9:7

Va kal ko, na rawl cu va ei law vaa nuam ko, na zu cu va ding law na tha va nuam ko, na tuahmi paoh cu Pathian hnatla a si ko.

NAMBAR 5:25

Cun tlangbawi nih minu kut chung khan lunghrinh changvut thawinak kha a lak lai i changvut thawinak cu Bawipa hmaiah a hninh lai i biakṭheng ah a rak put lai;

JOHAN 19:30

Jesuh nih mitsur zu thor cu a vun dawp i, “Aa lim cang,” tiah a ti. Cun a lu a khun i a thi.

MARKA 14:25

Pathian Pennak chungah a thar in ka din ṭhan hlan cu, hi mitsur hang hi ka ding ti lai lo,” tiah a ti.

MATTHAI 26:29

Hihi kan chimh hna: Ka Pa Pennak chungah nanmah he a thar in ka din ṭhan hlantiang hi mitsur hang hi ka ding ti lai lo,” tiah a ti.

ZEKHARIAH 10:7

Cucaah Efraim mi cu ralkap bantuk an si lai, Mitsur hang a ding i aa lawmmi bantuk an si lai, An fapa hna nih cun an hmuh lai i an i lawm lai; Cucaah an lung cu Bawipa ah i lawm ko seh.

ZEKHARIAH 9:17

An rumnak cu zeitluk in a rummi dah a si, an i dawhnak cu zeitluk in aa dawhmi dah a si! Rawl nih tlangval cu an thazang a ṭhawnter hna lai i Mitsur hang thlum nih ngaknu au a ṭhawnter hna lai.

ZEKHARIAH 9:15

Ralkapbu Bawipa cu an phaw a si lai; Annih nih an ral kha an tei hna lai, lung herh chehnak lung kha an lamh hna lai; Zuri bantukin an au cukmak lai i kheng bantukin an khat lai i biakṭheng kil bantukin cin cikcek in an um lai.

ISAIAH 35:10

Jerusalem cu lunglawm tein an phan lai i hla an i sak pah lai i lawmhnak in an au lai. Zungzal in an i lawm lai i ngaihchiatnak le lung retheihnak an ing ti lai lo.

ISAIAH 25:6

Hi Zion Tlang cungah hin Ralkapbu Pathian nih vawlei cung miphun vialte caah rawl danghnak a timh lai — cu rawl danghnak cu rawl thaw bik le zu thaw bik in a timh lai.

NAMBAR 18:18

sihmanhsehlaw an sa cu nangmah ta a si lai, hninhmi ii le orhlei phei cu na ta an si bantuk khan.

LEVITIKAS 23:11

cun amah nih faphal cu, cohlannak nan hmuh nakhnga Bawipa hmaiah a hninh lai; sabbath thaizing ah tlangbawi nih cun a hninh lai.

LEVITIKAS 10:15

Thawimi phei le hninhmi ii cu Bawipa hmai i hninh thawinak ca i hninh awkah, mei in thawinak hna thau he nan rak put lai, mah cucu nangmah le na fapa hna caah, Bawipa nawl peknak bangin, zungzal in nan vo a si lai,” tiah a ti.

LEVITIKAS 9:21

sihmanhsehlaw an ii le a orhlei phei cu Bawipa hmai i hninh thawinak caah Aaron nih a hninh hna, Moses nawlpek bangin.

LEVITIKAS 7:34

Zeitintiah Israel mi hna nih an pekchanhmi daihnak thawinak chungin tlangbawi Aaron le a fapa hna cu hninhmi ii le thawimi phei cu ka pek cang hna; mah cucu Israel mi sinin a zungzal in an hmuh awk a si.

LEVITIKAS 7:31

Tlangbawi nih a thau cu biakṭheng cungah a khangh lai, sihmanhsehlaw a ii cu Aaron le a fapa hna caah a si lai.

LEVITIKAS 7:30

amah kut hrimhrim in a rak put lai; Bawipa hmaiah a ii cu hninh thawinak caah a hninh khawh nakhnga, a thau cu a ii he a rak put lai.

LEVITIKAS 7:32

Cun na daihnak thawinak hna pekchanhmi chungin thawinak caah a orhlei phei cu tlangbawi cu na pek lai;

NAMBAR 6:21

“Mah hihi biakamnak a tuahmi Nazir caah phungbia a si. Nazir a si ca i biakamnak a tuahning khan Bawipa sin i a pekchanhnak cu a si lai, zei dang a ti khawhmi hleiah; biakamnak a tuahmi ning khan, cu bantukin Nazir mi a si ca i aa thleidannak phungbia ning khan a tuah lai,” tiah a ti.