NAMBAR 6:12 - Lai (Hakha) Common Language Bible 2006

¹² aa thleidan caan kha Bawipa sinah aa thleidang ṭhan lai; cun tuufa a pa pakhat, kum khat a timi phungbuar thawinak caah a rak put lai; sihmanhsehlaw a caan hmasa deuh kha cu pakpalawng a si lai, zeicahtiah aa thleidannak kha a buar.

NAMBAR 6:12 Խաչաձեւ Հղումներ

LEVITIKAS 5:6

sualnak a tuahmi caah khan Bawipa sinah sual thawinak a rak put lai, tuurun chungin a nu, tuufa siseh meheh siseh, sual thawinak caah a si lai; cun tlangbawi nih a sualnak caah remnak a serpiak lai.

2 JOHAN 1:8

Cucaah nan ṭuan lengmang hnawhchanmi kha nan sungh sual nakhnga lo le nan laksawng kha tling tein nan hmuh nakhnga, ralring tein um ko u.

JEIM 2:10

Nawlbia chung bia pakhat a buarmi cu nawlbia a dihlak in a buar a si ko.

MATTHAI 24:13

Sihmanhsehlaw a dongh tiangin a fekmi cu khamh an si lai.

MATTHAI 3:15

Sihmanhsehlaw Jesuh nih cun, “Atu cu hitihin si ko seh. Pathian nih tuah awk a si a timi paoh cu i tuah ko seh,” tiah a leh. Cucaah Johan cu a hna a tla ve.

EZEKIEL 18:24

“Cun miding mipa nih a ziaza ding kha a hlawt ko hnga i miṭhalo mipa nih fihnung a phunphun a tuahmi kha a tuah ve ko hnga; mah hihi tuah buin a nung ko hnga maw? Nung hlah, dinnak a rak tuahmi vialte kha hngalhpiak a si lai lo; zumhawktlak loin a nung, a sual i cucaah cun a thi lai.

LEVITIKAS 14:24

tlangbawi nih phungbuar thawinak tuufa le chiti thawl khat cu a lak hna lai i Bawipa hmai i hninh thawinak caah tlangbawi nih cun a hninh hna lai.

EXODUS 12:5

Cu sa cu a bei lomi, hma zeihmanh a ngei lomi, kum khat a timi a si lai; tuu zong a si ah, meheh zong a si ah, a zeipaoh kha nan i thim khawh lai.

LEVITIKAS 5:7

“Sihmanhsehlaw tuufa kha a ngeih nih a tlinh lo ahcun, sualnak a tuahmi caah khan sual thawinak caah ṭhuro pahnih siseh, laileng no pahnih siseh, Bawipa sinah a rak put lai, pakhat cu sual thawinak caah a si lai i pakhat cu khangh thawinak caah a si lai.

NAMBAR 6:11

Cun tlangbawi nih pakhat cu sual thawinak caah a thawi lai i pakhat cu khangh thawinak caah a thawi lai, cun remnak a serpiak lai, zeitintiah miruak thawngin a sual cang. Cun cu ni theng ah cun a lu kha a thianter lai i

NAMBAR 6:13

“Cun mah hihi Nazir caah phungbia a si, aa thleidannak caan kha a dih tikah: amah cu tonnak thlam innka ah khan ratpi a si lai i