NAMBAR 5:28 - Lai (Hakha) Common Language Bible 2006

²⁸ Sihmanhsehlaw minu cu a rak i thurhhnawmh lo i a thian ko ahcun, cu ti a si ahcun amah cu a luat lai i fa a hrin hna lai.

NAMBAR 5:28 Խաչաձեւ Հղումներ

1 PETER 1:7

Hneksaknak nan inmi cu nan zumhnak kha a tak maw tak lo ti hngalhnak caah a si lai. Hrawh khawh a simi thil cu, sui hmanh hi hneksak a hau, cucaah sui nakin let tam piin a sung deuhmi nan zumhnak cu, hneksaknak kha chuak lakin a in khawh nakhnga, hneksak a hau ve. Cun Jesuh Khrih a langh Ni ah cun thangṭhatnak le upatnak le sunparnak kha nan hmuh lai.

2 KORIN 4:17

Cun harnak hmete caan tawite kan inmi nih hin, hi harnak nakin a let tampi in a ngan deuhmi zungzal sunparnak cu a kan pek lai.

SALM 113:9

Fa a ngei kho lomi nu kha upatnak a pek hna i fa a ngeimi lunglawmmi nu ah a ser hna. Bawipa cu thangṭhat u! a ser hna. Bawipa cu thangṭhat u!

NAMBAR 5:19

Cun tlangbawi nih minu cu chiat hi bangin a serter lai i, ‘Nangmah nih na va nawlngeihnak toiah na um lioah ahohmanh nih an in ihpi lo i thurhhnawmhnak leiah naa mer lo ahcun, hi khaatnak ti, chiatnak a tluntertu hin luat ko.

NAMBAR 5:27

Cun minu kha ti cu a dinter tikah, amah kha a rak i thurhhnawmh i a va toiah zumh awk tlak loin a rak um ahcun, chiatnak a tlunhtu ti cu a chungah a lut lai i a ngan a fahter lai i a pum cu a phing lai i a phei cu a tlong lai i, cu nu cu a mi hna lakah chiathrutnak a ingmi ah a cang lai.

NAMBAR 5:29

“Mah hihi lunghrinhnak kong i phungbia cu a si, nu nih a va nawl ngeihnak toiah a um nain a pial i aa thurhhnawmh tikah siseh,

DEUTERONOMI 24:1

“Mi nih nupi a lak i a ṭhit tikah, a chungah thil dawh lo zeimaw a hmuh caah a mit a tlin lo i maknak ca a ṭialpiak i, a kut chungah a chiah i, a inn chungin a kalter i a inn chungin a chuah ahcun,