NAMBAR 5:21 - Lai (Hakha) Common Language Bible 2006

²¹ cu ti a si ahcun, (tlangbawi nih minu cu chiat cu serter seh law, minu sinah chim seh) ‘Na mi hna lakah Bawipa nih nangmah cu chiathrutnak in inter seh, Bawipa nih na phei kha a tlonghter i na pum kha a phinter tikah;

NAMBAR 5:21 Խաչաձեւ Հղումներ

NEHEMIAH 10:29

Pathian sal Moses sinin pekmi Pathian phungbia kha zulh awk le Bawipa kan Bawipa nawlbia vialte le phunglam hna le a bia hna kha ulh awk le tuah awkah chiat an ser i biakamnak an tuah.

1 SAMUEL 14:24

Cun khi ni ah Israel mi hna cu an lungre a thei, zeicahtiah mi cungah cun chiatsernak kha Saul nih a khin i, “Ka ral hna cungah phu ka hlam i zanlei a si hlan i rawl a eimi cu chiatserh siseh,” tiah a ti. Cucaah ahohmanh nih rawl an tep lo.

JOSHUA 6:26

Khi tikah Joshua nih chiatser in, “A tho i hi Jeriko khua a sa ṭhanmi cu Bawipa hmaiah chiatserh si seh. A fater luhloh in a hram lung cu a phum lai i A fapa hniang bik luhloh in a kutka cu a bunh hna lai,” tiah a ti hna.

JEREMIAH 29:22

Jerusalem in Babilon ah sal ah kalpimi hna nih, chiat ser an duh tikah, ‘Babilon siangpahrang nih a nung in a kiaomi Zedekiah le Ahab bantukin Bawipa nih na cungah tuah seh,’ tiah an ti lai.

MATTHAI 26:74

Cun Peter nih cun chiatser in, “Biatak ka chim lo a si ahcun Pathian nih dan ka tat seh. Cu pa cu ka hngal hrim lo,” tiah a ti. Cu caan te ah cun ar a hung khuang i

ISAIAH 65:15

Ka thimmi ka mi hna nih cun nan min cu chiatserhnak ah an hman lai. Bawipa nih kan thah hna lai. Sihmanhsehlaw ka nawl a zulmi cu min thar ka pek hna lai.

PHUNGTHLÛKBIA 10:7

Miding cu thluachuahnak an si tiin hngalh camcin an si, sihmanhsehlaw miṭhalo hna min cu philh zau a si.

2 CHANRELNAK 21:15

nangmah cu paw fah zawtnak a fakmi na ngei lai i ni khat hnu ni khat in na ril cu cu zawtnak ruangah cun a chuak lai,’ a ti,” tiah a ti.

NAMBAR 5:27

Cun minu kha ti cu a dinter tikah, amah kha a rak i thurhhnawmh i a va toiah zumh awk tlak loin a rak um ahcun, chiatnak a tlunhtu ti cu a chungah a lut lai i a ngan a fahter lai i a pum cu a phing lai i a phei cu a tlong lai i, cu nu cu a mi hna lakah chiathrutnak a ingmi ah a cang lai.