NAMBAR 4:33 - Lai (Hakha) Common Language Bible 2006

³³ Tlangbawi Aaron fapa Ithamar kut tangah Merari fapa hna chunglei i an rian, tonnak thlam chung i an rianṭuanmi cu a dihlak in, mah hihi a si,” tiah a ti.

NAMBAR 4:33 Խաչաձեւ Հղումներ

NAMBAR 4:28

Mah hihi Gershon mi hna an fapale hna i an chung cio in, tonnak thlam chungah an rian cu a si, cun an rian cu tlangbawi Aaron fapa Ithamar nih a zoh lai.

ISAIAH 3:6

Phun khat chung mi hna nih khan an unau pakhatkhat kha an thim lai i, “Nang cu puan aih awk tal na ngei, hi caan har chungah hin kan haotu si ko,” an ti lai.

JOSHUA 3:6

Cun Joshua nih tlangbawi hna cu, “Biakamnak kuang kha i lak u law, mi zapi hmaiah lan tuah u,” tiah a ti hna. Cun biakamnak kuang cu an i lak i mi zapi hmaiah cun an kal.

NAMBAR 4:32

cun tual velchum i a ummi tung hna, an hram hna he an khenhteo hna he an hri hna he, an thilthuam vialte le an thilri vialte he tiah; cun annih kha phorh awk fialmi thil hna cu an min in na thiah hna lai.

NAMBAR 4:34

Cun Moses le Aaron le mibu a hruaitu hna nih cun Kohath fapale hna cu an chung ning cio le an phun ning cio ah an rel hna,

EXODUS 38:21

Biakamnak lungtlap an chiahnak Pathian umnak thlam chung hmanmi thilri cu hihi a si: Cu thilri hna cu Moses nih a fial hna ningin tuahmi an si i tlangbawi Aaron fapa Ithamar kuttang i a ṭuanmi Levi mi hna nih an sermi an si.

NAMBAR 7:8

cun leng pali le cawtum pariat cu Merari fapa kha a pek hna, tlangbawi Aaron fapa Ithamar zohkhenhnak tang i an rianṭuanning in.