NAMBAR 34:3 - Lai (Hakha) Common Language Bible 2006

³ nan thlanglei kam cu Zin ramlak in Edom kam hrawn in a si lai i, thlanglei nan ramri cu nichuahlei ah Cite Rili donghnak in a si lai;

NAMBAR 34:3 Խաչաձեւ Հղումներ

GENESIS 14:3

Hi siangpahrang panga hi hmunkhat ah an ṭangṭi i Siddim nelrawn ah khan an ralkap cu an pumh hna; Siddim nelrawn cu atu i Rili Thi timi khi a si.

EZEKIEL 47:13

Hihi Bawipa Pathian bia cu an si: Israel miphun hna nih ram cu co awkah an luh tikah hihi an ramri cu an si lai, Josef nih khan vo hnih a co lai.

EZEKIEL 47:8

Cun a ka thawh i, “Hi ti hi nichuahlei i a ummi hmun ah a luang i Arabah tiang a vung luang; a donghnak ah cun, a ti a thumi rili tiang kha a vung phan lai i a ti cu a thlumter lai.

JOSHUA 3:16

cunglei in a rungmi ti kha an dir i lam hlatpi ah Zarethan ram pawng i a ummi khua Adam ah cun a bu in an dir i, Arabah rili, Cite Rili lei i a vung luangmi cu an cat dih; cun Jeriko khua zawn cun mi nih cun an tan.

EXODUS 23:31

Nan ramri cu Rili Sen in Mediterranean Rili tiang, thetse ram in Zufrates Tiva tiang a si lai. Ram chung i a ummi hna tei khawhnak ṭhawnnak kan pek hna lai i annih cu nan dawi dih hna lai.

JOSHUA 1:4

Ramlak le hi Lebanon tlang in tiva ngan Zufrates tiang, Hit mi hna ram vialte nitlaknak leiah Rili Ngan tiang; nan ram a si lai.

NAMBAR 13:21

Cu bangin an hung kal i ram cu an hung ngiat, Zin ramlak in Hamath luhnak Rehob tiang.