NAMBAR 32:23 - Lai (Hakha) Common Language Bible 2006

²³ Sihmanhsehlaw cu bangin nan tuah lo ahcun, zohhmanh, Bawipa cungah nan sual cang; nan sualnak nih an langh hna lai kha vaa hngalh ko u.

NAMBAR 32:23 Խաչաձեւ Հղումներ

ISAIAH 59:12

“Bawipa na cung i kan sualnak cu a tam ko. Kan sualnak nih sual a kan phawt ko. Kan sualnak cu kan i hngal ko.

PHUNGTHLÛKBIA 13:21

Misual mi cu vanchiatnak nih a zulh hna, sihmanhsehlaw miding cu ṭhatnak laksawng an hmu lai.

GENESIS 44:16

Judah nih aa thawh i, “Bawipa, na sinah zeidah kan chim khawh rua hnga! Zeitindah kan i hlihphuah khawh rua hnga. Pathian nih kan sualnak kha a phuan cang, bawipa. Kan dihlak in pei dik na sal kan si ko lai, na hrai an hmuhnak pa lawng si loin,” a ti.

SALM 90:8

Kan sualnak cu na hmaiah na chiah hna, a thli tein kan sualnak cu na hmuh dih ko hna.

1 KORIN 4:5

Cu a si caah a caan a phak hlanah ahohmanh na sual, na thiam va ti hna hlah u. Donghnak biaceihnak cu Bawipa a rat tik lawnglawng ah a si te lai, zeicahtiah mi nih an lungthli tein an rak i tinhmi le a muihnak ah an thuhmi an biathliruk vialte kha amah nih cun a phuan dih hna lai i cu tikah cun mi vialte nih hmuh awk an i tlakmi thangṭhatnak kha Pathian sinin an hmuh cio te lai.

GENESIS 4:7

Ṭhatnak kha rak tuah law cu na merh ko hnga; sihmanhsehlaw ṭhat lonak kha na rak tuah caah sualnak nih cun nangmah tei awkah sahrang bantukin an bawh ko. Nangmah kha uk an duh, sihmanhsehlaw nangmah nih na tei awk a si,” a ti.

ROM 2:9

Ṭhat lonak a tuahmi nih an dihlak in nganfahnak le temhinnak kha an hmuh lai, a ing hmasatu cu Judah mi an si lai i cun Jentail mi an si ve lai.

ISAIAH 3:11

Sihmanhsehlaw miṭhalo cu an lo ko cang; an tuahmi kha an cungah lehrulh a si lai.

SALM 140:11

Lih in midang sual a puhmi cu, mi sual an puhnak hna ah khan thluachuak hna hlah seh; mipuarhrang cu ṭhat lonak nih khan tlak hna seh law hrawk hna seh.

SALM 139:11

Muihnak kha, ka thup tuah, ka hei ti ko hnga, asiloah, ka velchum i ceunak kha, zan ah cang ka hei ti ko hnga,

GENESIS 13:13

Sodom khuami cu miṭhalo, Bawipa cung i ṭhat lonak a tuahmi misual an si.

JOSHUA 7:18

cun amah nih amah innchungkhar cu a mi a mi in a naih ah a ratpi hna i Judah phun Zerah fapa Zabdi fapa Karmi fapa Akhan cu lak a si.

PHUNGTHLÛKBIA 5:22

Miṭhalo cu amah ṭhat lonak ah aa foih i a sual rianṭuannak ah khan a tang.

JONAH 1:7

A hmanung bik ah lawngcawng hna nih cun an i thawh i, “Hi vanchiatnak kan tonmi hi aho ruangah dah a si hnga, camcawhfung kan zuk tuah lai,” an ti. Cucaah camcawhfung cu an khiah i Jonah cungah khan a tla.

2 SAMUEL 3:39

Siangpahrang ah chiti thuh ka si nain, nihin ah hin ka der ko; hi mi Zeruiah fapale hna hi ka caah an hak tuk. Bawipa nih ṭhat lonak a tuahtu cu a ṭhat lonak bantukin rul ko seh!” tiah a ti.

1 SIANGPAHRANG 2:32

Ka pa David hngalh loin amah nakin a ṭha deuhmi le a ding deuhmi pahnih, Ner fapa Abner, Israel mi ralkapbu haotu le Jether fapa Amasa, Judah mi ralkapbu haotu kha vainam in a tuk hna i a thah hna caah thisen chuah in a tuahmi thil hna cu Bawipa nih amah lu cung lila ah a kirter ṭhan lai.

1 SIANGPAHRANG 2:33

Cuticun Joab lu cung le a tefa hna lu cungah zungzal in an thisen cu a kir ṭhan lai; sihmanhsehlaw David cung le a tefa hna cung le a innchungkhar cung le a bawi ṭhutdan cungah cun Bawipa sinin a rami daihnak cu zungzal in a um thluangthluan lai,” tiah a ti.

PHUNGTHLÛKBIA 24:16

Zeicahtiah miṭha mi cu voi sarih tiang tlu hmanh seh law a tho ṭhan zau lai, sihmanhsehlaw miṭhalo cu vanchiatnak nih a hrawh hna.