NAMBAR 31:54 - Lai (Hakha) Common Language Bible 2006

⁵⁴ Cun Moses le tlangbawi Eleazar nih a thong pawl le a za pawl haotu hna sinin sui kha an lak i Bawipa hmai i Israel mi hngalh camcinnak caah tonnak thlam chungah an luhpi.

NAMBAR 31:54 Խաչաձեւ Հղումներ

EXODUS 30:16

Hi tangka cu Israel mi sin khan na lak lai i pumhnak thlam chung rianṭuannak caah khan na hman lai. Cu tangka nih cun Bawipa kha Israel mi cu a hngalhter ṭhan hna lai i cu tangka cu nan nunnak ca i nan pekmi kha a si,” a ti.

ZEKHARIAH 6:14

Bawiluchin cu Heldai, Tobiah, Jedaiah le Zefaniah fapa Josiah nih an zohkhenh lai i biakinn chungah khan hngalh camcinnak thil ah an um lai.

LAMKALTU 10:4

Vancungmi kha thinphang ngaiin dengteo in a zoh i, “Zeidah, bawipa?” tiah a ti. Vancungmi nih cun a hun leh i, “Pathian nih na thlacamnak le misifak na bawmh hnanak kha an cohlanpiak i nangmah cu an philh lo.

LUKA 22:19

Cun chang kha a lak i Pathian sinah lawmhnak bia a chim hnuah a cheu i annih cu a pek hna i, “Hihi ka pum a si, nan ca i ka pekmi cu. Keimah philh lonak ah run tuah u,” tiah a ti.

SALM 145:7

Annih nih na ṭhatnak kha an chim lai, na velngeihnak kha hla in an sak lai.

SALM 115:1

Kanmah si loin, na min lawnglawng hi sunparnak pek awk cu na si, Bawipa, zeicahtiah na dawtnak cu a fek i zumhawktlak na si.

SALM 18:49

Cucaah miphun kip sinah nangmah cu kan thangṭhat lai i na thangṭhatnak cu hla in ka sak lai.

JOSHUA 4:7

Khi tikah nannih nih Bawipa biakamnak kuang hmaiah Jordan tiva ti cu a cat; Jordan kha a tan tikah Jordan ti cu a cat, tiah nan chimh hna lai. Cucaah hi lung hna cu Israel mi caah zungzal hngalh camcinnak an si lai,” tiah a ti.

NAMBAR 16:40

Cun tlangbawi a si lo i Aaron tefa a si lomi ahohmanh nih Bawipa hmai i zihmui khangh awkah an ra naih nakhnga lo, Israel mi hna caah mah cucu hngalhtertu a si lai, Korah le a hawile hna bang khan an si sual ve nakhnga lo — Bawipa nih Moses in Eleazar sinah a chim bangin.

EXODUS 28:12

Israel fapale hna kha philh lonak dingah, cu lungvar pahnih cu angki liang i bahnak a hnam ah khan na ṭhit chih hna lai. Cuticun Aaron nih khan an min cu a liang cungah aa chonh zungzal hna lai i Pathian nih a hngalh zungzal hna lai.

EZRA 7:5

Bukki cu Abishua fapa a si, Abishua cu Finehas fapa a si, Finehas cu Eleazar fapa a si, Eleazar cu tlangbawi bik Aaron fapa a si —