NAMBAR 30:8 - Lai (Hakha) Common Language Bible 2006

⁸ Sihmanhsehlaw a va nih a theih ni ah a hnatlak lonak kha a langhter ahcun, a cungah a ummi biakamnak le ruah set loin a hmur nih a chimmi in aa ṭemnak kha a hrawh lai i Bawipa nih a ngaihthiam lai.

NAMBAR 30:8 Խաչաձեւ Հղումներ

GENESIS 3:16

Cun minu cu a thawh i, “Fa na pawinak i harnak na inmi kha ka karhter lai, fa na hrinnak i fahnak na inmi kha ka karhter lai; asinain na va cu na duh ṭhiamṭhiam ko lai i amah cu na cung bawi a si lai,” a ti.

1 KORIN 14:34

Pathian mi aa pummi hna an i pumh tikah a si cio tawn bantukin, pumhnak ah cun nu cu dai tein um awk an si ko. Bia kha chimter awk an si lai lo. Judah mi Phung nih a ti bangin, pumh uktu an si lai lo.

1 KORIN 7:4

Nu hi amah pum bawi a si lo, a pum bawi cu a va kha a si; cu bantuk ṭhiamṭhiam in pa zong cu amah pum bawi a si ve lo, a pum bawi cu a nupi kha a si.

LEVITIKAS 5:4

Cun ahohmanh nih ṭhat lonak tuah awk siseh, ṭhatnak tuah awk siseh, i ruat cungcang loin a hmur in zei bantuk chiatsernak hmanh si ai kun, a ser i amah nih a hngalh lo ahcun, a hun hngalh tikah hi chiatsernak pakhatkhat cungah a mawh lai.

NAMBAR 30:5

Sihmanhsehlaw, a pa nih a theih ni ah a hnatlak lonak kha a langhter ahcun, a biakamnak kha siseh, aa ṭemnak bia kha siseh, zeihmanh a dir lai lo i a pa nih a al caah Bawipa nih a ngaihthiam lai.

NAMBAR 30:7

cun a va nih a theih i a theih ni ah amah sinah zeihmanh a chim lo ahcun, a biakamnak cu a dir lai i amah le amah aa ṭemnak biahrennak zong kha a dir lai.

NAMBAR 30:9

Sihmanhsehlaw nuhmei maw makmi maw a si ahcun, bia aa kamnak nih siseh, amah le amah aa ṭemnak nih siseh, a nenh ko lai.

1 SAMUEL 1:23

Cun a va Elkanah nih cun “A ṭha bik ti i na ruahmi paoh cu tuah ko, amah kha hnuk na thlei hlantiang rak ngang rih ko; Bawipa nih a bia bel kha fehter ko seh,” tiah a ti. Cucaah hnuk a thlei hlantiang minu cu a um i a fapa kha hnuk a dinh.

JEREMIAH 44:19

Cun nu hna nih cun, ‘Vancung Khuazingnu sinah thawinak kan khangh i thlet thawinak kan bungh tikah khan, thlapa samthihkuang a lomi changreu thlum a cung i amah mui a cuangmi kan ser kha kan vale nih ṭha tein an hngalh ko,’ an ti.