NAMBAR 30:13 - Lai (Hakha) Common Language Bible 2006

¹³ Amah le amah i temhinter awkah biakamnak le chiatsernak a tuahmi paohpaoh cu a va nih a fehter khawh lai i a va nih a hrawh zong a hrawh khawh lai.

NAMBAR 30:13 Խաչաձեւ Հղումներ

1 KORIN 11:3

Sihmanhsehlaw hngalhter kan duhmi hna cu Pathian cu Khrih lu a si bantukin pa cu nu lu a si i Khrih cu mi vialte lu a si.

1 KORIN 11:9

Cun pa cu, nu caah ser a si fawn lo, nu tu kha pa ca i sermi cu a si.

ISAIAH 58:5

Rawl nan ulh tikah nanmah le nanmah sifah nan i pe, nan lu cu ram hnah bantukin niam tein nan khun i bawhnak caah khumpuan nan phah i a cungah vutcam nan phulh. Cucu maw rawl ulh nan timi cu a si? Cu nih cun a lung a ton lai ti ah maw nan ka ruah?

SALM 35:13

Sihmanhsehlaw annih an zawt tu ah cun ngaihchiatnak thuam kaa hruk i rawl hmanh ka ei lo; ka hawikom ca le ka unau caah lu fakpi khun in thla ka cam tawn bantukin, annih ca zongah cun ka cam.

EZRA 8:21

Cun kan Pathian sinin kanmah ca le kan fale hna ca le kan thilri vialte ca i lam ding kawl awkah amah hmaiah cun kan lung kan i ṭhumh khawh nakhnga Ahava tiva ah cun rawl ulhnak kan thanh.

NAMBAR 29:7

“Hi thla sarihnak thla a ni hra a ni ah hin a thiangmi pumhnak nan ngei lai nan i temhinter lai; rian nan ṭuan lai lo,

LEVITIKAS 23:32

Nannih caah dinh zirziarnak sabbath a si lai i nanmah le nanmah kha nan i temhinter lai; cu thla ni kua ni zanlei in, a thaizing zanlei tiang nan sabbath cu nan ulh lai,” tiah a ti.

LEVITIKAS 23:27

“Hi thla sarihnak thla a ni hra ni hi remnak ni a si; nannih caah pumhnak thiang caan a si lai i nannih nih nanmah lila cu nan i temhinter lai i Bawipa sinah mei in thawinak nan pek lai.

LEVITIKAS 16:29

“Cun mah hihi nannih nan phung zungzal a si lai, thla sarih thla a ni hra ni ah nan i temhinter lai i nanmah mi hrimhrim nih siseh, khual nan sin i a ummi nih siseh, rian nan ṭuan lai lo;

1 KORIN 7:5

Kan caan cu thlacamnak ah hman kan duh tiin pakhat le pakhat kha i reem hlah u; nan pahnih in caan khatkhat chung kha cuticun kan um lai tiah hnatlaknak nan ngeih hmasa ṭung lo ahcun; cu hmanh ah nan i sum khawh lo sual i Satan tukforhnak chungah nan tlak nakhnga lo, nu le va sinak kha thawk ṭhan ko u.

NAMBAR 30:12

Sihmanhsehlaw a va nih a theih ni ah a hrawh hna ahcun, a biakamnak kong ah a hmur in a chuakmi zeipaoh siseh, amah le amah aa hrennak bia siseh, a dir lai lo; a va nih a hrawh hna i Bawipa nih a ngaihthiam lai.

NAMBAR 30:14

Sihmanhsehlaw ni khat hnu ni khat a va nih zeihmanh a chim hlei lo ahcun, a cung i a ummi a biakamnak vialte siseh, a biahrennak vialte siseh a fehter a si; a theih ni ah amah sinah zeihmanh a chim lo caah a fehter hna a si.