NAMBAR 30:12 - Lai (Hakha) Common Language Bible 2006

¹² Sihmanhsehlaw a va nih a theih ni ah a hrawh hna ahcun, a biakamnak kong ah a hmur in a chuakmi zeipaoh siseh, amah le amah aa hrennak bia siseh, a dir lai lo; a va nih a hrawh hna i Bawipa nih a ngaihthiam lai.

NAMBAR 30:12 Խաչաձեւ Հղումներ

NAMBAR 30:8

Sihmanhsehlaw a va nih a theih ni ah a hnatlak lonak kha a langhter ahcun, a cungah a ummi biakamnak le ruah set loin a hmur nih a chimmi in aa ṭemnak kha a hrawh lai i Bawipa nih a ngaihthiam lai.

1 KORIN 11:3

Sihmanhsehlaw hngalhter kan duhmi hna cu Pathian cu Khrih lu a si bantukin pa cu nu lu a si i Khrih cu mi vialte lu a si.

NAMBAR 30:5

Sihmanhsehlaw, a pa nih a theih ni ah a hnatlak lonak kha a langhter ahcun, a biakamnak kha siseh, aa ṭemnak bia kha siseh, zeihmanh a dir lai lo i a pa nih a al caah Bawipa nih a ngaihthiam lai.

NAMBAR 15:28

Cun tlangbawi nih, palhnak a tuahmi caah khan Bawipa hmaiah remnak a ser lai; cu pa nih hngalh loin a sual tikah remnak a serpiak lai i ngaihthiam a si lai.

NAMBAR 15:25

Palhnak a si ca i Bawipa sinah mei in thawinak le Bawipa hmaiah an sual thawinak, an palhnak caah an rak put cang caah, tlangbawi nih Israel mibu ningpi caah cun remnak a ser lai i ngaihthiam an si lai.

NAMBAR 30:11

a va nih a theih i a sinah zeihmanh a chim lo i a al lo ahcun, a biakamnak vialte cu a dir lai i aa ṭemnak bia vialte zong a dir lai.

NAMBAR 30:13

Amah le amah i temhinter awkah biakamnak le chiatsernak a tuahmi paohpaoh cu a va nih a fehter khawh lai i a va nih a hrawh zong a hrawh khawh lai.

JEREMIAH 44:17

Judah ram khua hna le Jerusalem khua chung lam hna ah, kanmah le kan pupa hna le kan siangpahrang hna le bawile hna nih kan tuah tawn bantuk khan Vancung Khuazingnu sinah cun raithawinak kha kan khangh ko lai i thlet thawinak kha kan pekchanh ko lai. Zeicahtiah kha caan ah khan rawl tampi kan rak ngei i kan hna a rak ngam; vanchiatnak zeihmanh kan tong lo.

1 SAMUEL 1:23

Cun a va Elkanah nih cun “A ṭha bik ti i na ruahmi paoh cu tuah ko, amah kha hnuk na thlei hlantiang rak ngang rih ko; Bawipa nih a bia bel kha fehter ko seh,” tiah a ti. Cucaah hnuk a thlei hlantiang minu cu a um i a fapa kha hnuk a dinh.

JEREMIAH 44:19

Cun nu hna nih cun, ‘Vancung Khuazingnu sinah thawinak kan khangh i thlet thawinak kan bungh tikah khan, thlapa samthihkuang a lomi changreu thlum a cung i amah mui a cuangmi kan ser kha kan vale nih ṭha tein an hngalh ko,’ an ti.