NAMBAR 3:7 - Lai (Hakha) Common Language Bible 2006

⁷ Puan biaknak inn ah rian an ṭuanpah in amah ca le aa pummi dihlak caah tonnak thlam hmaiah rian an ṭuan lai;

NAMBAR 3:7 Խաչաձեւ Հղումներ

NAMBAR 1:50

sihmanhsehlaw Levi mi cu hngalhternak puan biakinn le a thilthuam vialte le a chung i a ummi thil vialte zohkhenhtu ah na chiah hna lai; annih nih puan biakinn le a thilthuam vialte an put awk le an zohkhenh awk a si lai i puan biakinn velchum ah cun riah hmun an khuar lai.

NAMBAR 8:15

Cun cu hnuah cun tonnak thlam i rianṭuan awkah, Levi mi hna cu na tlengh hna i hninh thawinak ca i na pekchanh hna hnuah an lut lai.

NAMBAR 8:11

cun Israel mi hna hninh thawinak caah Aaron nih Levi mi hna cu Bawipa sinah a pekchanh hna lai. Bawipa rianṭuan cu annih ta a si naklai.

1 CHANRELNAK 26:26

Hi Shelomoth le a unau hna hi, siangpahrang David le an pale innchungkhar hna lu cio le a thong pawl haotu hna le a za pawl haotu hna le ralkapbu ralbawi hna nih pekchanhmi laksawng, an pekchanhmi chawhlawn vialte kha a zohkhenhtu an si.

1 CHANRELNAK 26:22

Jehieli fapa Zetham le a unau Joel cu Bawipa inn chawhlawn kuang hna kha a zohkhenhtu an si.

1 CHANRELNAK 26:20

Cun Levi mi hna lak khan, Ahijah nih khan Pathian inn chawhlawn kuang le pekchanhmi laksawng chawhlawn kuang kha a zohkhenh hna.

NAMBAR 31:30

Cun Israel mi nih an covo a simi hnarcheu chung khan, minung si hna seh, cawtum si hna seh, tuurun si hna seh, saṭil vialte si hna seh, sawm nga ah pakhat in na lak lai i Bawipa puan biakinn a zohkhenhtu Levi mi kha na pek hna lai,” tiah a ti.

NAMBAR 3:32

Cun tlangbawi Aaron fapa Eleazar cu Levi mi hna a hruitu hna lak i upa bik a si lai i, hmunthiang zohkhenh awk an rian a simi hna a hruitu a si lai.

LEVITIKAS 8:35

Tonnak thlam innka ah, chunzan in ni sarih chung, Bawipa nih an fialmi hna tuah awkah, nan thih sual nakhnga lo nan um lai; zeitintiah cu bang cun nawl pek ka si,” tiah a ti.

NAMBAR 3:8

tonnak thlam thil thuam vialte cu an zohkhenh lai i puan biakinn ah rian an ṭuanpah in Israel mi caah rian an ṭuan lai.

NAMBAR 1:53

sihmanhsehlaw Levi mi hna cu hngalhternak puan biakinn velchum ah riahhmun an khuar lai, Israel mi an bu cungah thinhunnak a um nakhnga lo; cun Levi mi nih hngalhternak puan biakinn cu an zohkhenh lai,” a ti.