NAMBAR 28:9 - Lai (Hakha) Common Language Bible 2006

⁹ “Sabbath ni ah kum khat a timi tuufa dotla a pa pahnih le changvut thawinak caah chiti he cawhmi changvut dip ephah cheu hra cheu hnih le a thlet thawinak:

NAMBAR 28:9 Խաչաձեւ Հղումներ

ISAIAH 58:13

Bawipa nih, “Sabbath ni cu nizarh ah nan rel i cu ni ah cun nanmah duhnak tuah kha nan i sum i ka nizarh cu nan sunhsak i nan upat i cu ni ahcun khual tlawng lo le rian ṭuan lo le holh sawhsawh loin nan um ahcun,

BIAPHUAN 1:10

Bawipa Ni ah Thlarau nih a ka tlak i ka hnulei in aw thangpi pakhat kha ka theih, cu aw cu muko aw thawng bantuk a si.

EZEKIEL 20:12

Cu pinah, annih nih kannih cu Bawipa nih Amah caah a kan thianter ti kha an hngalh nakhnga annih le keimah karlak i hmelchunhnak caah sabbath kha ka pek hna.

NAMBAR 28:8

Tuufa dang pakhat cu zanlei ah na thawi lai; zinglei i changvut thawinak le a thlet thawinak bang khan, mei in thawinak Bawipa sin i rimthaw bantuk khan na thawi lai.

NAMBAR 28:10

tlaihlan khangh thawinak le a thlet thawinak hleiah mah hihi sabbath kip i khangh thawinak cu a si.

2 CHANRELNAK 2:4

Bawipa ka Pathian upatnak caah biakinn sak kaa tim. Cu inn cu ka mi hna le keimah nih rimthaw zihmui khanghnak in Pathian kan biaknak hmunthiang a si lai. Cun Israel mi cu nan tuah zungzal lai tiah nawlpek a simi: hun camcinmi changreu kan pekchanh zungzalnak hmun le Bawipa kan Pathian upatnak caah zingfa zanfa, sabbath hna le thla thar puai hna le nizarh hna ah khangh thawinak kan pekchanhnak hmun a si lai.

2 CHANRELNAK 8:13

mah cucu Moses nih sabbath hna ca le thla thar hna ca le kum khat voi khat tuahmi puai — thilnu telh lo changreu puai, zarh hna puai le deu puai hna ca i nawl a chiah bangkhan, a ni cio rian nih a hlamning khan an pekchanh hna.

EZEKIEL 46:4

Uktu bawi nih Bawipa sinah a pekchanhmi khangh thawinak cu hi bangin a si lai: sabbath ni ah dotla tuu paruk le dotla tuukawng pakhat;

2 SIANGPAHRANG 4:23

Cun anih nih, “Zeicahdah amah sinah cun nihin ah na kal lai? Thla thar zong a si lo i sabbath zong a si ṭung lo,” tiah a ti. Anih nih, “A ṭha ko lai,” tiah a ti.

2 CHANRELNAK 2:3

Cun Solomon nih Tair ram siangpahrang Huram kha bia a cah i, “Ka pa David cungah na rak tuah i amah a umnak ding inn saknak caah sidar thing na rak kuat bantuk khan, keimah zong ka kua ve tuah.