NAMBAR 28:7 - Lai (Hakha) Common Language Bible 2006

⁷ A thlet thawinak cu tuufa pahnih caah khan, hin cheu li cheu khat veve a si lai; hmunthiang ah khan Bawipa caah thlet thawinak mitsur hang cu na thlet lai.

NAMBAR 28:7 Խաչաձեւ Հղումներ

EXODUS 29:42

Hi khangh thawinak hi a zungzal in, nan tefa hna chan vialte tiangin pumhnak thlam innka ah, Bawipa ka hmaika ah, nan tuah zungzal awk a si lai. Hika hmun hi ka mi ka ton hnanak hmun le nan sinah bia ka chimnak hmun a si lai.

FILIPI 2:17

Ka nunnak thisen hi nan zumhnak nih Pathian a pekmi raithawinak sa cungah toih a si hmanh ah cucu ka lawmhmi a si ko lai i cu kaa lawmhnak cu nan dihlak in kan hrawm hna.

JOEL 2:14

Bawipa kan Pathian nih cun harnak ka tuah lai tuah a timi kha a hei leet ṭhan ko hnga i a hei i ngaichih ko hnga i a hnuah thluachuahnak a hei kan chiahtak ko hnga dahkaw, Cu tikah cun kannih nih rawl le mitsur hang thawinak kan pekchanh khawh ve ko hnga.

JOEL 1:13

Bawipa biakṭheng cungah thawinak a pechantu nannih tlangbawi hna, Ngaihchiatnak thil kha i hruk u law ṭap u, Biakinn chungah khan va kal u law, ngaihchiatnak thilthuam i hruk in zan khua va dei u. Nan Pathian inn chung i pekchanh awkah rawl siseh, mitsur hang siseh, zeihmanh a um lo.

JOEL 1:9

Biakinn chung i pekchanh awkah rawl siseh, mitsur hang siseh a um lo; Bawipa sinah a pechantu tlangbawi hna, ṭap tuah u.

ISAIAH 57:6

Cu tiva kam cun lungmil tete kha nan lak hna i pathian ah nan biak hna. Zu le laksawng kha nan pek hna i rawl kha nan hunh hna. Hi ti nan tuahmi nih hin a ka lawmhter ko, ti ah maw nan ruah?

NAMBAR 28:31

Tlaihlan khangh thawinak le a changvut thawinak hleiah khan mah hihi an thlet thawinak he nan thawi hna lai. Dotla an si kha ṭha tein zoh hna u.

NAMBAR 28:14

An thlet thawinak hna cu cawtum caah mitsur hang hin cheu, tuukawng caah hin cheu thum cheu khat, tuufa caah hin cheu li cheu khat an si lai; mah hihi kum chuak in thla kip i khangh thawinak cu a si.

NAMBAR 15:10

thlet thawinak caah mitsur hang hin cheu, mei in pekchanhnak caah, na pek lai, Bawipa caah rimthaw a si lai.

NAMBAR 15:7

thlet thawinak caah cun mitsur hang hin cheu thum cheu khat na pek lai, Bawipa caah rimthaw a si lai.

NAMBAR 15:5

cun khangh thawinak ah siseh, raithawinak ah siseh, tuufa pakhat cio caah mitsur hang hin cheu li cheu khat na timh lai, cucu thlet thawinak caah a si.

LEVITIKAS 23:13

Cun cu he a si ṭimi changvut thawinak cu changvut dip ephah cheu hra cheu hnih, chiti he cawhmi, Bawipa sinah mei in thawi awk rimthaw cu a si lai; cun cu he a si ṭimi thlet thawinak cu mitsur hang hin cheu li cheu khat a si lai.

EXODUS 30:9

Hi biakṭheng cungah hin khammi zihmui zeihmanh nan khang lai lo, saram khangh thawinak zeihmanh nan khang lai lo i ei awk thawinak zong zeihmanh nan pechan lai lo. Cun din awk thawinak zong zeihmanh a cungah hin nan thle lai lo.

EXODUS 29:40

Tuufa pakhatnak sinah cun changvut dip pawng hra, chiti pawng li he cawhmi kha nan thawi chih lai. Cun dinmi thawinak caah mitsur zu pawng li zong nan thawi chih fawn lai.

NAMBAR 28:6

Sinai Tlang i rimthaw ca i fehtermi tlaihlan khangh thawinak, Bawipa sinah mei in pekchanhmi cu a si.

NAMBAR 28:8

Tuufa dang pakhat cu zanlei ah na thawi lai; zinglei i changvut thawinak le a thlet thawinak bang khan, mei in thawinak Bawipa sin i rimthaw bantuk khan na thawi lai.

LEVITIKAS 1:9

sihmanhsehlaw a chungril hna le a ke hna cu ti in an ṭawl hna lai. Cun tlangbawi nih a dihlak in khangh thawinak caah biakṭheng cungah a khangh lai; mei in thawinak, Bawipa caah rimthaw a si lai.