NAMBAR 28:3 - Lai (Hakha) Common Language Bible 2006

³ Cun annih cu hi bangin na chimh hna lai, Mah hihi Bawipa sinah mei in nan pekchanhmi thawinak cu a si lai: tlaihlan thawinak caah ni khat hnu ni khat in kum khat a timi tuufa dotla a pa pahnih.

NAMBAR 28:3 Խաչաձեւ Հղումներ

LEVITIKAS 6:9

“Aaron le a fapa hna cu hi bangin nawl pe hna: Mah hihi khangh thawinak phunglam a si. Khangh thawinak cu biakṭheng cung tappi ah cun zan khuadei zinglei tiang chiah a si lai i biakṭheng mei cu a alh camcin lai.

BIAPHUAN 13:8

Vawlei cung i a ummi vialte hna nih amah cu an biak lai, sihmanhsehlaw vawlei ser hlan in nunnak cauk chung i an min ṭial a simi hna nih cun an bia lai lo, cu nunnak cauk cu thahmi Tuufa ta kha a si.

JOHAN 1:29

A thaizing ah Johan nih cun Jesuh cu a sin i a rat kha a rak hmuh i, “Zohhmanh u, Pathian Tuufa, vawlei sualnak a kalpitu khi!

DANIEL 12:11

Nifate in pekchanh tawnmi raithawinak kha an ngol i cucu Ṭhiotu Fihnung kha an bunh thawk in ni thong khat za hnih le sawm kua a rau lai.

DANIEL 11:31

Amah nih a thlahmi ralkap hna nih khan hmunthiang le a kulhnak kha an thurhhnawmh lai i pekchanh tawnmi raithawinak kha an hloh lai. Cun khika hmun ah khan, “Ṭhiotu Fihnung” kha an chiah lai.

DANIEL 8:13

Cun vancungmi pakhat nih a dang vancungmi pakhat bia a hal kha ka theih i, “Hi langhnak caan hi zei can dah a sau lai? Pekchanh zungzal tawnmi raithawinak hi zei can dah ngol a si lai? Zei can dah vancung ralkapbu hna le biakinn hi vawlei ah lamhchih an si lai?” a ti.

HEBRU 9:6

Thil umtuning cu hitihin a si: Lenglei thlam chungah khan tlangbawi hna cu an rian ṭuan awkah ni fate in an lut lengmang;

LEVITIKAS 3:5

Cun Aaron fapa hna nih biakṭheng cungah mei cung i thing cung i khangh thawinak sa cungah cun an khangh lai; mei in thawinak, Bawipa caah rimthaw a si.

NAMBAR 28:4

Tuufa pakhat cu zinglei ah nan thawi lai i a dang tuufa pakhat cu zanlei ah nan thawi lai;

NAMBAR 28:10

tlaihlan khangh thawinak le a thlet thawinak hleiah mah hihi sabbath kip i khangh thawinak cu a si.

NAMBAR 28:15

Bawipa sin i sual thawinak ca zongah mehehtum pakhat; mah hihi tlaihlan khangh thawinak le a thlet thawinak hlei ah khan pekchanh a si lai.

NAMBAR 28:23

Zinglei khangh thawinak, tlaihlan khangh thawinak hleiah cun, mah hihi nan thawi hna lai.

NAMBAR 28:24

Hi bantuk ṭhiamṭhiam in ni sarih chung cu nifate in mei in pekchanhmi rawl, Bawipa ca i rimthaw cu, nan pekchanh lai; tlaihlan khangh thawinak le a thlet thawinak hleiah khan mah hihi nan pekchanh lai.

NAMBAR 28:31

Tlaihlan khangh thawinak le a changvut thawinak hleiah khan mah hihi an thlet thawinak he nan thawi hna lai. Dotla an si kha ṭha tein zoh hna u.

NAMBAR 29:6

mah hna hi, thlapa thar i khangh thawinak le a changvut thawinak le tlai hlan khangh thawinak le a changvut thawinak le an thlet thawinak an phunglam ningin, rimthaw Bawipa sin i mei in pekchanhmi hleiah an si.

NAMBAR 29:11

remnak ca i sual thawinak le tlaihlan khangh thawinak le a changvut thawinak le an thlet thawinak hna hleiah sual thawinak caah mehehtum pakhat zong.

NAMBAR 29:16

cun tlaihlan khangh thawinak le a changvut thawinak le a thlet thawinak hleiah sual thawinak caah mehehtum pakhat zong.

1 CHANRELNAK 16:40

Bawipa nih Israel mi nawl a pekmi hna phungbia chung i aa ṭialmi vialte ningin, annih nih zinglei he zanlei he khangh thawinak biakṭheng cungah khan Bawipa sin i khangh thawinak kha an pekchanh thluangthluan awk a si.

2 CHANRELNAK 8:13

mah cucu Moses nih sabbath hna ca le thla thar hna ca le kum khat voi khat tuahmi puai — thilnu telh lo changreu puai, zarh hna puai le deu puai hna ca i nawl a chiah bangkhan, a ni cio rian nih a hlamning khan an pekchanh hna.

EZRA 3:5

cun cu hnuah cun pekchanh camcinmi khangh thawinak, thla thar i pekchanhnak le Bawipa ca i caan ngei in tuahmi puai hna i pekchanhnak le mah lungtho tein Bawipa sinah pekchanhmi thil hna kha an pekchanh hna.

AMOS 4:4

“Bethel ah ra u law ra sual u; Gilgal ah ra u law sual chinchin u! Zing fate in nan raithawinak kha rak pu u, Nan cheu hra cheu khat kha ni thum dan lengmang ah rak chuahpi hna u.

DANIEL 8:11

Vancung siangpahrang hmanh kha zeirello in a um i raithawinak an pek zungzal tawnmi kha a hrawh i hmunthiang chung biaknak zong kha a hrawh.