NAMBAR 28:1 - Lai (Hakha) Common Language Bible 2006

¹ Bawipa nih Moses cu a chawnh i,

NAMBAR 28:1 Խաչաձեւ Հղումներ

NAMBAR 27:23

a cungah a kut a chuan i Bawipa nih Moses a chimh bang khan nawlngeihnak kha a pek.

NAMBAR 28:2

“Israel mi cu nawl pe hna law, hi bangin chim hna, ‘Keimah sinah pekchanhmi thil, mei in keimah sin i pekchanhnak ca i ka rawl rimthaw cu, amah caan te ah keimah sin i pekchanh awk kha nan i ralring lai.’

LEVITIKAS 9:15

Cun mizapi thawinak cu a pek; sual thawinak meheh, mizapi ca i a simi cu, a lak i a thah i sualnak caah a thawi, sual thawinak hmasa bik bang khan a tuah.

NAMBAR 7:15

khangh thawinak ca i cawtum no pakhat, tuukawng pakhat, tuufa a pa kum khat a timi pakhat;

1 CHANRELNAK 23:31

cun Bawipa sinah khangh thawinak hna kha sabbath ni ah siseh, thla thar ah siseh, puai ni ah siseh, cu zat in nan tuah awk a si tining khan Bawipa hmaiah pekchanh camcin a si fate annih nih cu bantuk ṭhiamṭhiam in an tuah lai.

2 CHANRELNAK 2:4

Bawipa ka Pathian upatnak caah biakinn sak kaa tim. Cu inn cu ka mi hna le keimah nih rimthaw zihmui khanghnak in Pathian kan biaknak hmunthiang a si lai. Cun Israel mi cu nan tuah zungzal lai tiah nawlpek a simi: hun camcinmi changreu kan pekchanh zungzalnak hmun le Bawipa kan Pathian upatnak caah zingfa zanfa, sabbath hna le thla thar puai hna le nizarh hna ah khangh thawinak kan pekchanhnak hmun a si lai.

2 CHANRELNAK 8:13

mah cucu Moses nih sabbath hna ca le thla thar hna ca le kum khat voi khat tuahmi puai — thilnu telh lo changreu puai, zarh hna puai le deu puai hna ca i nawl a chiah bangkhan, a ni cio rian nih a hlamning khan an pekchanh hna.

2 CHANRELNAK 23:18

Cun Moses phungbia chungah aa ṭial bangin, lawmhpah le hlasak pah in David nawl pekning in Bawipa sin i khangh thawinak pekchanh awkah David nih Bawipa inn zohkhenhtu ah a chiahmi Levi tlangbawi hna le Levi mi hna kut tangah khan, Jehoiada nih Bawipa inn cawngtu kha a chiah hna.

2 CHANRELNAK 31:3

Siangpahrang nih amah ngeihmi chungin a thawhmi cu, Bawipa phungbia chungah aa ṭial bangin, zingfate le zanleifate tuahmi khanghthawinak, thla thar le sabbath le caan ngeimi puai hna i pekchanhmi saṭil kha an si.

EZRA 6:9

Cun annih nih vancung Pathian sinah khan raithawinak rim thaw kha an pekchanh i siangpahrang le a fapa hna nunnak caah thla an cam nakhnga, vancung Pathian sin i khangh thawinak caah a herhmi paoh cawtum no si hna seh, tuukawng si hna seh, tuu si hna seh, changvut si seh, cite si seh, mitsur hang si seh, chiti si seh, Jerusalem i tlangbawi hna nih an herh ningin nifate in pel lo tein nan rak pek hna lai.

ISAIAH 1:13

Man ngei lo nan ka pekchanhmi thil hi ka duh ti hna lo. Nan ka pekchanhmi zihmui rim hi ka luak a chuak. Nan Thla Thar Puai te hna, nan Sabbath te hna, nan biaknak pumhnak tehna hi a in in ka ing kho ti lo; nan sualnak nih a thutter dih cang hna.

EZEKIEL 44:24

Pakhat le pakhat i siknak a chuah tikah zung ah bia an ceih hna lai i bia cu ka phung ning zulh in an khiah hna lai. Caan ngei in tuahmi ka puai dihlak ah ka phung le ka nawlbia kha an zulh hna lai. Ka sabbath kha thiang tein an ulh hna lai.

EZEKIEL 45:17

cun an bawi cu khangh thawinak caah khan le rawl thawinak caah khan le thlet thawinak caah khan, thla thar ah siseh, sabbath ah siseh, Israel mi nih an ulhmi puai caan paohpaoh ah siseh, amah cu a ruatkhangtu a si lai. Israel mi ca i remnak sernak caah a herhmi sual thawinak le rawl thawinak le khangh thawinak kha amah hrimhrim nih a thawh hna lai.

EZEKIEL 46:11

Khual puai ah le puai ni paoh ah rawl thawinak cu cawtum he pek chih awkah ephah pakhat, tuukawng he pek chih awkah ephah pakhat, tuu he pek chih awkah a duh zat paoh, a si lai i ephah pakhat ah chiti hin khat lengmang a si chih lai.

GALATI 4:10

Ni thiang khun, thla thiang khun, caan thiang khun, kum thiang khun ti ulh kha nan hmang.

KOLOSE 2:16

Cucaah cun ahohmanh nih nan ei nan dinmi thil kong ah siseh, ni thiang le Thla Thar Puai le Sabbath kong ah siseh, phung in serpiak hna hlah seh.