NAMBAR 27:17 - Lai (Hakha) Common Language Bible 2006

¹⁷ an hmaiah a kal ding le an hmaiah a ra ding le, a chuahpitu hna le a luhpitu hna ah chia ko seh; Bawipa mibu cu tuukhal ngei lo tuu hna bantukin an si nakhnga lo,” tiah a ti.

NAMBAR 27:17 Խաչաձեւ Հղումներ

EZEKIEL 34:5

Cucaah annih cu an i ṭhek dih, khaltu an ngei lo, ram sa seh awk men ah an cang.

MARKA 6:34

Jesuh cu lawng chung khan a hung chuak i mi cu vialte a hmuh hna tikah khan a zaang an fak ngaingai, zeicahtiah khaltu a ngei lomi tuu bantuk an si. Cucaah thil tampi a cawnpiak hna.

1 SIANGPAHRANG 22:17

Cun anih nih a thawh i, “Israel mi vialte cu khaltu a ngei lomi tuu bantukin tlang cung i an i ṭhek dih kha ka hmuh; cun Bawipa nih, ‘Hi hna hi bawi an ngei lo, anmah le an inn cio ah dai tein kir hna seh,’ a ti,” tiah a ti.

MATTHAI 9:36

Mi zapi kha a hmuh hna tikah, khaltu a ngei lomi tuu bantukin lungrethei le awlokchong in an um kha a hmuh hna caah a zaang an fak ngaingai.

ZEKHARIAH 10:2

Innchungkhar khuazing hna nih cun pakpalawng biakamnak kha an chim i, Litinthiam hna nih cun ahmaan lomi hmelchunhnak kha an hmuh, Mangihthiam minu hna nih khan hlennak mang an manh i pakpalawng bia kha an chim. Mi cu tuu bantukin an vak, tuukhal a um lo caah harnak kha an in.

2 CHANRELNAK 1:10

Cucaah hi miphun hmai i chuahnak ca le luhnak caah hin fimnak le hngalhnak ka pe tuah, zeicahtiah hi na mi, a ngan hringhranmi hi aho nih dah a uk khawh hna lai?” tiah a ti.

DEUTERONOMI 31:2

Cun amah nih annih sinah, “Atu cu kum za le kum kul ka si cang; ka chuak kho in ka lut kho ti lo. Bawipa nih ka sinah, ‘Hi Jordan tiva hi na tan lai lo,’ tiah a ka ti cang.

1 SIANGPAHRANG 3:7

Cun atu cu, maw Bawipa ka Pathian, nangmah nih na salpa hi ngakchiate ka si ko nain, ka pa David hmun ah siangpahrang ah na ka ser cang; keimah cu zeitindah ka chuah lai i zeitindah ka luh lai, ti a hngal lomi ka si.

1 SAMUEL 18:13

Cucaah Saul nih amah sin khan a ṭhial i thong khat haotu ah a ser i mi zapi hmaiah khan a chuak a lut lengmang.

1 SAMUEL 8:20

kannih zong miphun vialte hna cio bantuk kan si ve lai; kan siangpahrang nih cun a kan uk lai i kan hmaiah a kal lai i kan ral hna kha a kan tukpiak lai,” tiah an ti.

1 PETER 2:25

Tuu a tlaumi bantukin nan tlau cang, sihmanhsehlaw atu cu nan nunnak Khaltu a simi le nan nunnak Cawngtu a simi leiah khan nan kir cang.

JOHAN 10:9

Kei cu innka ka si. Keimah in a lutmi paoh cu khamh an si lai; an lut an chuak lai i ram hno kha an hmu lai.

MATTHAI 15:24

Cun Jesuh nih cun a vun leh i, “Israel mi lak i a tlaumi tuu hna sin lawngah pei thlah ka si ko cu,” tiah a ti.

MATTHAI 10:6

Israel miphun chungin a tlaumi tuu hna sinah khan va kal u.

ZEKHARIAH 13:7

Mah hihi ralkapbu Bawipa bia hrimhrim a si: “Maw vainam, ka tuukhal le keimah he rian a ṭuan ṭimi doh awkah i hlau tuah. Tuukhal kha tu law tuu cu i ṭhek hna seh, an fale kha ka kut ka lekhnawh hna lai,” a ti.

2 CHANRELNAK 18:16

Cun anih nih a thawh i, “Israel mi vialte cu khaltu a ngei lomi tuu bantukin tlang cung i an i ṭhek dih kha ka hmuh; cun Bawipa nih, ‘Hi hna hi bawi an ngei lo, anmah le an inn cio ah dai tein kir hna seh,’ a ti,” tiah a ti.

2 SAMUEL 5:2

kan hnulei caan, Saul kan siangpahrang a si lioah khan, Israel mi a chuahpitu le a luhpitu cu nangmah na si; cun Bawipa nih nangmah cu, ‘Nangmah cu ka mi Israel mi hna tuukhal na si lai i Israel mi hna bawi na si lai,’ an timi kha na si,” tiah an ti.

2 SIANGPAHRANG 11:8

siangpahrang cu nan kulh lai, nan hriamnam kha nan i put cio lai; cun a kulhtu ralkap a hun naihmi hna paoh cu thah an si lai. Siangpahrang cu a chuah le a luh ah nan zulh lengmang lai,” tiah a ti.