NAMBAR 26:53 - Lai (Hakha) Common Language Bible 2006

⁵³ “Ram cu mah hna hi ro caah cheuh awk an si lai, an min relnak bangin.

NAMBAR 26:53 Խաչաձեւ Հղումներ

JOSHUA 14:1

Cun mah hna hi Kanaan ram chungah Israel mi nih an comi ram cu an si, tlangbawi Eleazar le Num fapa Joshua le Israel tefa hna chung i an phun cio lu hna nih an phawtmi hna cu an si.

JOSHUA 11:23

Cucaah Bawipa nih Moses sinah a rak chim cangmi vialte bantuk khan Joshua nih ram cu a ning piin a lak i an phun ning cio i phawtning khan Joshua nih Israel mi hna sinah ro caah a pek hna. Cun ram cu ral in aa din.

SALM 105:44

Ramdangmi an rak umnak ram kha a pek hna i an lo kha a coter hna,

BIAPHUAN 21:27

Sihmanhsehlaw a thurhnawmmi cu khi khua chungah ahohmanh an lut kho lai lo; ningzah awk thil a tuahmi hna le lih a chimmi hna zong ahohmanh an lut kho lai lo. Tuufa nunnak cauk chung i an min aa ṭialmi lawnglawng cu khuapi chungah cun an lut kho lai.

BIAPHUAN 5:10

Kan Pathian rian tlangbawi bantukin a ṭuantu dingah siangpahrang phun ah na ser hna i Annih nih vawlei cu an uk lai,” an ti.

MATTHAI 5:5

Nun a nemmi cu lunglawmmi nan va si dah! Pathian nih an kamhmi hna kha nan co lai.

DANIEL 7:27

Siangpahrang sinak siseh, bawi sinak siseh, vanrang tang i a ummi pennak hna lianngannak vialte cu siangpahrang ṭhawnnak an ngeihmi cu zungzal hmunmi ṭhawnnak a si lai i peng kip le ram kip nih an rian an ṭuanpiak hna lai i an nawl an ngaih hna lai,” a ti.

EZEKIEL 47:22

Hi ram cu Israel miphun hna kha ro caah camcawhfung khiah in nan i phaw lai, cun ramdangmi nan sin i a ummi hna zong kha fapa a ngeimi cu nan phawt ve hna lai. Annih cu Israel ram kek ah nan rel ve hna lai i Israel miphun hna lakah khan camcawhfung khiah in ro kha an co ve lai.

SALM 49:14

Tuu bantukin a thi dingin ruah an si cang i an tuukhal cu thihnak a si lai. Miding mi nih khan zinglei ah an tei hna lai i mithi hna ram ah an pum cu a thu a man lai, cuka cu an inn in aa hlatmi hmun a si lai.

GENESIS 12:7

Bawipa cu Abram sinah khan a lang i, “Hi ram hi na tefa ka pek hna laimi ram cu a si,” a ti. Cuka ah cun amah sin i a rung langmi Bawipa caah khan Abram nih biakṭheng pakhat a ser.

GENESIS 12:2

Tefa tampi kan pek lai i miphun nganpi ah an cang lai. Nangmah cu thluachuah kan pek lai i na min kan thanter lai, cucaah na min cu thluachuah peknak ah an hman lai.

NAMBAR 26:52

Bawipa nih Moses cu a chawnh i,

NAMBAR 26:54

Phun ngan deuh cu vo ngan deuh na pek lai i phun hme deuh cu vo hme deuh na pek lai; an phun dihlak in an minung rel ning cio ah an ro cu na pek hna lai.

NAMBAR 33:54

Ram cu nan hrinning cio in camcawh fung khiah in nan co lai; phun ngan deuh cu ro ngan deuh nan pek lai i phun hme deuh cu ro hme deuh nan pek lai; ahohmanh nih camcawh fung khiah in a hmuhmi hmun paoh cu, cu hmun cu amah ta a si lai; nan pupa hna phun ning cio ah nan co lai.

JOSHUA 1:6

Ṭhawng ngai le ralṭha ngaiin um tuah; zeitintiah an pupa hna sinah pek awkin chiat ka rak ser cangmi ram hi, hi mi hi na coter hna lai.

1 CHANRELNAK 16:18

“Nangmah sinah Kanaan ram cu ro caah, Na covo ah kan pek lai,” a ti.