NAMBAR 25:8 - Lai (Hakha) Common Language Bible 2006

⁸ Israel mipa cu innchung chin dal pakhat ah khan a hei zulh i, an pahnih in a chunh hna, Israel mipa le cu minu cu, minu cu a paw ah. Cucaah Israel mi sinin rai cu kham khawh a si.

NAMBAR 25:8 Խաչաձեւ Հղումներ

1 CHANRELNAK 21:22

Cun David nih Ornan cu a thawh i, “Rai hi mi sinin a kian nakhnga, Bawipa sin i biakṭheng saknak caah phuhri hmun hi ka pe tuah — a man tling tein ka hau ko,” tiah a ti.

2 SAMUEL 24:25

Cun David nih khika ah Bawipa caah biakṭheng a ser i khangh thawinak hna le daihnak thawinak hna kha a pekchanh hna. Cucaah ram ca i nawlnak cu Bawipa nih a cohlan i Israel mi sinin rai cu a ṭian.

NAMBAR 25:11

“Tlangbawi Aaron fapa Eleazar i fapa Phinehas nih Israel mi sinin ka thinhunnak cu a mer cang, zeitintiah annih cu keimah nih ka ṭanh hna bangin a ṭanh ve hna, cucaah ka nahchuahnak nih Israel mi cu a that dih hna lo.

NAMBAR 25:5

Cun Moses nih Israel mi biaceihtu hna sinah cun, “Nan mi hna lakah Peor i Baal he aa khitbanh chihmi paoh cu nan thah hna lai,” tiah a ti.

MALAKHI 2:5

Ka biakamnak cu amah sinah khan a rak um: Amah cu nunnak le rumnak ka rak pek: hmaizah awk tlak a simi tlangbawi rian kha amah cungah cun ka khin; a rak ka hmaizah i ka min kha a ṭih.

NAMBAR 17:13

A ra naihmi paoh cu, Bawipa puan biakinn a ra naihmi paoh cu, an thi lai. Kan dihlak in kan thi ko lai maw?” tiah an ti.

JOSHUA 7:26

Cun nihin tiangin a ummi lungpumh nganpi pakhat a cungah cun an pumh; cun Bawipa cu a kangh in a kangmi a thinhunnak cun aa mer. Cucaah cun nihin tiangin cu ka hmun cu Akhor Nelrawn tiah ti a si.

2 SAMUEL 21:14

Cun Saul ruh le a fapa Jonathan ruh kha Benjamin ram Zela khua i a ummi a pa Kish thlan ah khan an vui hna; cun siangpahrang nawl pekmi vialte kha an tuah. Cu hnuah cun ram ca i an halnak kha Pathian nih a cohlanpiak hna.