NAMBAR 25:6 - Lai (Hakha) Common Language Bible 2006

⁶ Cun zohhmanh, Israel mi pakhat cu a ra i Midian minu pakhat cu a innchungkhar hna sinah aa luhpi; mah cucu Moses hmuh le Israel mibu an ningpi hmuh ah a si, tonnak thlam innka i an ṭah lioah khan.

NAMBAR 25:6 Խաչաձեւ Հղումներ

JOEL 2:17

Bawipa rianṭuantu tlangbawi hna kha innleng le biakṭheng karah khan dir hna seh law ṭap hna seh law, “Maw Bawipa, na mi, nangmah na mi hi run kan zoh tuah; Miphun dang nih capo ah an kan ser i, ‘Khuazei ah dah nan Pathian cu a um kun?’ an kan ti nakhnga lo, Ningzahnak ah cun kan phakter sawh hlah,” tiah ti hna seh.

NAMBAR 22:4

Cun Moab nih Midian upa hna sinah, “Cawtum nih lo chung ram a ṭam dih bantukin, hi bupi nih hin kan pawngkam i a ummi thil vialte a ṭam dih lai,” tiah a ti. Cucaah Zippor fapa Balak, cu caan lio i Moab siangpahrang a simi nih cun,

JUDAS 1:13

Rili tilet ṭihnung bantuk an si, ningzak a simi an tuahsernak cu tilet buanbara bantukin an lang. A vak a vaimi arfi bantuk an si, cu arfi hna cu Pathian nih muihnak a thuk bik chungah khin hmun a chiahpiak ko hna.

JEREMIAH 36:23

Cun Jehudi nih cun cazual cu tlang thum tlang li a vun rel paoh khin siangpahrang nih cun ca tannak namte in a tan lengmang hna i mei chungah cun a paih lengmang hna, cazual cu a dihlak in a ciamh dih tiang cuticun a tuah.

JEREMIAH 8:12

Annih nih fihnung kha an tuah tikah an ning a zak maw? Zak hlah e, an ning a zak hrimhrim lo; Hmaisen zong kha an hngal lo. Cucaah a tlumi hna sinah an tlu ve lai; Annih cu dan ka tat hna tikah an ril lai,” tiah Bawipa nih a ti.

JEREMIAH 3:3

Hi ruangah hin ruah kha sur ka thlauh i ṭhal ruah kha a sur lo. Asinain, na cal cu hlawhhlang cal a si i na ning a zak duh hrimhrim lo.

ISAIAH 22:12

Bawipa Ralkapbu Pathian nih cun, ṭah awk le mitthli tlak awk le nan lu i kongh awk le buri i aih awkah an auh hna.

BIACEIHTU 2:4

Bawipa vancungmi nih hi bia cu Israel mi vialte hna sinah a chim tikah, mi hna cu fak piin an ṭap.

NAMBAR 31:2

“Midian mi hna cungah Israel mi hna phu cu va hlam tuah; cu hnuah na mi hna sinah pumh na si lai,” tiah a ti.

GENESIS 37:28

Cun Midian chawlet pawl cu an ra phak tikah Josef cu tikhor chung khan an va chuah i Ishmael mi sinah khan ngun tangka phar kul ah an zuar i annih nih Izipt ram ah khan an kalpi.

NAMBAR 16:47

Moses nih a chim bangin Aaron nih a lak i aa pummi hna chungah khan a le; cun, zohhmanh, mi hna lakah khan rai cu tlun hram a rak thawk cang; cun zihmui kha a phulh i mi kha remnak a serpiak hna.

1 SIANGPAHRANG 11:18

Midian in an i thawh i Paran an phan, cun Paran cun mi an i kalpi hna i Izipt ah, Izipt siangpahrang Faro sin an phan; amah nih cun inn a pek i rawl kha a rak damhkhanpiak i ram zong a pek.

SALM 94:16

Ahodah miṭhalo a ka dohpitu kha nan si? Ahodah ṭhat lonak a tuahmi hna a ka dohpitu kha nan si?