NAMBAR 25:3 - Lai (Hakha) Common Language Bible 2006

³ Cu bangin Peor i Baal he cun Israel mi cu an i khitbanh i, Bawipa thinhunnak cu Israel cungah a alh;

NAMBAR 25:3 Խաչաձեւ Հղումներ

HOSEA 9:10

Bawipa nih aa thawh i, “Israel hi ka rak hmuh terte ah cun thetse ram i a khomi mitsur thei bantuk a rak si. Nan pupa hna ka rak hmuh hmasa terte ah hin theipi a hung tlai hmasa bikmi hna hmuh bantuk khi a rak si. Sihmanhsehlaw Baal-Peor an phak tikah Baal biak hram kha an thawk i an duhmi an siasal ka huat tluk khan anmah cu ka huat hna.

JOSHUA 22:17

Peor i kan sualnak, cu ruang i Bawipa mibu cungah rai a tlun i a thianh hmanh kan i thianh khawh rih lomi kha, kan i za rih lo maw,

JEREMIAH 17:4

Kan pekmi hna nan ro kha nan sung lai. Nan hngalh lomi ram chungah nan ral kha nan rianh hna lai, zeicahtiah ka thinhunnak cu a alhmi mei a si i zungzal in a alh ko lai.

SALM 90:11

Na thinhunnak hmual cu aho nih dah fiang ngaingai in an hngalh? Na thinlinhnak nih zei bantuk thil ṭihnung dah a chuahter khawh ti kha aho nih dah an hngalh?

BIACEIHTU 2:20

Cucaah Bawipa thinhunnak cu Israel cungah a alh i, “Hi mi hna nih hin an pupa hna sinah nawl ka pekmi ka biakamnak kha an hrawh i ka bia kha an ngaih lo caah,

BIACEIHTU 2:14

Cucaah Bawipa thinhunnak cu Israel cungah a alh i miramhtu hna sinah khan a pek hna i an ramh hna; cun an pawngkam i a ummi an ral hna kut chungah a zuarh hna, cucaah annih nih an ral kha an celh kho ti hna lo.

NAMBAR 25:5

Cun Moses nih Israel mi biaceihtu hna sinah cun, “Nan mi hna lakah Peor i Baal he aa khitbanh chihmi paoh cu nan thah hna lai,” tiah a ti.

NAMBAR 31:16

Zohhmanh, hi mi hrimhrim hna hi Balaam fimchimhnak thawng in Peor kongah khan Israel mi cu Bawipa nawl a buartertu an si, cu caah rai kha Bawipa mibu cungah khan a tlung.

BIACEIHTU 2:11

Cun Israel mi nih Bawipa mithmuh i thil ṭhalo a simi kha an tuah i Baal kha an biak hna.

BIACEIHTU 2:13

Bawipa cu an hlawt i Baal hna le Ashtaroth kha an biak.

HOSEA 4:14

Sihmanhsehlaw hi ruangah hin annih cu dan ka tat hna lai lo, Zeicahtiah nanmah zong biakinn i hlawhhlangnu a ummi hna he nan kal ve ko i anmah he cun Baal sinah khan raithawinak nan pekchanh ve ko, Cuticun phungthluk bia i “Hngalhnak a baumi cu an rawk,” tiah a um bantuk khan an rawk.