NAMBAR 25:2 - Lai (Hakha) Common Language Bible 2006

² Mah mi hna nih hin Israel mi hna cu an pathian sin i rai an thawinak ah khan an sawm hna i an ei ve i an pathian hmaiah khan an kun.

NAMBAR 25:2 Խաչաձեւ Հղումներ

1 KORIN 10:20

Si hlah! Ka chim duhmi cu hihi a si: Lawkihmi nih an biakṭheng cungah an i bawlnak sa cu khuachia dohdanghnak sa an si i Pathian pekchanhmi an si lo. Khuachia he hawikom si cu kan duh hna lo.

EXODUS 20:5

Zei bantuk siasal hmanh an si ah an hmaiah nan kun lai lo i nan bia hna lai lo, zeicahtiah keimah hi Bawipa nan Pathian cu ka si i nahchuah a ngeimi Pathian ka si. A ka huatu cungah cun chan thum chan li tiangin an tefa hna cungah khan dantatnak ka tlunter.

HOSEA 9:10

Bawipa nih aa thawh i, “Israel hi ka rak hmuh terte ah cun thetse ram i a khomi mitsur thei bantuk a rak si. Nan pupa hna ka rak hmuh hmasa terte ah hin theipi a hung tlai hmasa bikmi hna hmuh bantuk khi a rak si. Sihmanhsehlaw Baal-Peor an phak tikah Baal biak hram kha an thawk i an duhmi an siasal ka huat tluk khan anmah cu ka huat hna.

SALM 106:28

Cun Pathian mi pawl nih khan Peor ah cun Baal kha an biak ve i nunnak a ngei lomi pathian hna sinah rai an thawimi sa kha an ei ve.

JOSHUA 22:17

Peor i kan sualnak, cu ruang i Bawipa mibu cungah rai a tlun i a thianh hmanh kan i thianh khawh rih lomi kha, kan i za rih lo maw,

BIAPHUAN 2:14

Asinain na cungah ka lungtlin lonak tlawmpalte a um: cucu Balaam cawnpiaknak a zulmi nan lakah tlawmpal an um kha a si; Balaam nih cun Balak kha, Israel mi cu siasal pekmi rawl einak thawng le nu le pa sualnak thawngin an sual nakhnga, na cawnpiak hna lai, tiah a cawnpiak.

1 SIANGPAHRANG 19:18

Sihmanhsehlaw Israel chungah hin Baal hmai i a khuk aa bil lo i a hnamh zong a hnam lomi thong sarih kaa nganh hna lai,” tiah a ti.

JOSHUA 23:16

Bawipa nan Pathian nih nawl an pekmi hna biakamnak kha nan buar i pathian dang hna kha nan kalhnawh i an rian nan ṭuan i an hmaiah nan kun ahcun, khi tikah Bawipa thinhunnak cu nan cungah a alh lai i an pekmi hna ram ṭha hin khulrang tein nan rawk lai,” tiah a ti hna.

JOSHUA 23:7

Nannih nih hika i nan lakah a tang rihmi miphun hna he hin i cawh lo le, an pathian hna min kha chim lo le, cu hna cun chiatser lo le, an rianṭuan lo le an hmaiah kun loin,

DEUTERONOMI 32:38

An raithawinak thau a ei i An thlet pekchanhnak mitsur hang a dingtu hna cu khuazei ah dah an si kun? Tho tuah hna seh law, in bawm tuah hna ngat seh, Na himnak si tuah hna ngat seh!

EXODUS 23:24

An pathian kha nan bia hna lai lo i an hmai zongah nan kun fawn lai lo, kha mi hna nih an tuahmi kha nan tuah ve lai lo, an pathian cu nan hrawh dih cikcek hna lai i an lung zarh vialte cu nan den dih cikcek hna lai.

EXODUS 22:20

“Bawipa sinah si loin pathian dang sinah rai a thawimi cu thih awk tlak a si tiah sual phawt a si lai.

EXODUS 32:6

A thaizing zingkate ah cun khangh thawinak sa kha an thawi hna i hawikomhnak thawinak caah saṭil kha an rak put hna. Mi zapi cu ei awk le din awkah an ṭhu i i nuam ngaiin an um.

JEREMIAH 40:11

Cu bantukin Moab ram le Ammon ram le Edom ram le ram dangdang i a ummi Judah mi hna zong nih khan, Babilon siangpahrang nih Judah ram chungah khan a tangmi a nganhta hna i Safan fapa Ahikam i fapa Gedaliah cu an ukbawi ah a ser ti kha an rak theih.

MIKAH 6:5

Moab siangpahrang Balak nih nan cungah tuah a timhmi kha ruat tuah u, Maw ka mi hna; Cun zeitindah Beor fapa Baalam nih a leh kha ruat fawn tuah u; Bawipa nih nanmah khamhnak caah a tuahmi kha nan hngalh khawh nakhnga, Shittim in Gilgal tiang nan kalnak kha ruat tuah u.