NAMBAR 24:17 - Lai (Hakha) Common Language Bible 2006

¹⁷ Amah cu ka hmuh, sihmanhsehlaw atu i a si bantuk hi a si lo, Amah cu ka zoh, sihmanhsehlaw atu naite i a si bantuk hi a si lo: Jakob chungin arfi pakhat a chuak lai i Israel chungin bawifung pakhat a chuak lai; Moab cal cu a khuai lai i Sheth fapale hna cu a den dih hna lai.

NAMBAR 24:17 Խաչաձեւ Հղումներ

BIAPHUAN 22:16

“Keimah, Jesuh nih, Khrihfabu chung i a ummi nannih sinah hi bia cu thanh awkah ka vancungmi kha ka run thlah. Kei cu David tefa kha ka si, kei cu deirel arfi ceu cu ka si,” a ti.

GENESIS 49:10

A bawifung kha a hler i a ke le a ke karlak ah a chiah; a lianhngannak cu, a ngeitu taktak a rat i, cu nih cun mi vialte a uk hna hlantiang amah nih aa chiah ko lai.

BIAPHUAN 11:15

Cun vancungmi pasarihnak nih khan a muko cu a vun tum i aw thawng fakpi vancung ah cun a thang i, “Vawlei cung uknak nawl cu kan Bawipa le a Messiah ta a si cang,” an ti.

BIAPHUAN 1:7

Zohhmanh u, khuadawm sin khin a ra lio! Mi kip nih an hmuh lai, a rak chuntu hna zong nih khan an hmuh lai. Cun vawlei cung mi vialte cu a cung i an rak tuahmi kha i ngaichih in an ṭap lai. Cu ti hrimhrim cun a si lai! Amen.

2 PETER 1:19

Cucaah cun profet hna nih an rak chimmi bia kha kan zumh chinchin. Cu bia cu nannih zong nih ṭha tein nan ngaih ahcun a ṭha lai, zeicahtiah khua a hung dei i deirel arfi nan lung chung i a hung ceu hlantiang, muihnak hmun i a ceumi mei-inn bantuk khi, cu bia cu a si.

ZEKHARIAH 10:4

Annih cu innkil lung le thlam hrennak khenhfial an si lai, Annih cu raltuk awk i timh cia in a ummi likuk an si lai, Haotu paohpaoh cu anmah chungin a chuakmi an si lai.

SALM 45:6

Pathian nih an pekmi bawiṭhutdan cu zungzal in a hmun lai! Na ram cu dinnak in na uk;

LUKA 1:78

Zeicahtiah, kan Pathian cu zaangfah thiammi le minunnem a si: Khamhnak khuaceu ṭha cu kan cungah a tlunter lai i

HEBRU 1:8

Sihmanhsehlaw a Fapa tu cu, “Maw Pathian, na bawiṭhutdan cu zungzal in zungzal tiang a hmun lai: Na pennak cu dinnak in na uk.

JUDAS 1:11

An caah ṭihnung a va si dah! Kain lam kha an zul. Tangka an duh ruangah Balaam nih palhnak a rak tuahmi leiah khan an kal ve. Korah nih Moses a rak doh bantuk khan mi doh an duh ve i amah bantuk khan hrawh an si ve.

1 CHANRELNAK 18:2

Cun Moab kha a tei, Moab mi hna cu David sal ah an cang i ngunkhuai an pek.

2 SAMUEL 8:2

Cun Moab kha a tei i tahnak hri in a tah hna i vawlei ah a ihter hna; tlang hnih cu thah awkin a tah i tlang khat cu pum tein zuah awkin a tah. Cun Moab mi cu David sal ah an cang i David sinah khan ngunkhuai an thawh.

ZEKHARIAH 12:10

sihmanhsehlaw David ciruang hna le Jerusalem khua i a ummi hna cungah cun zaangfahnak le zawnruahnak thlarau kha ka thlet lai. Khi tikah An rak ka chunhmi keimah kha an ka zoh lai i Mi nih an fa ngeih chunte an ṭah bang le an fater an ṭah bangin an ka ṭah lai.

JEREMIAH 48:45

Heshbon thladem tangah, Bawmtu ngei lomi mizam hna cu an i din; Sihmanhsehlaw hmasa i Siangpahrang Sihon nih a rak ukmi Heshbon kha a kang cuahmah len ko. Raldoh a duhmi Moab mi hna ramri hna le tlang sang hna cu mei nih a kangh cang hna.

ISAIAH 9:7

A lianhngannak cu a ṭhang chin lengmang lai; a ram cu a dai zungzal lai. Siangpahrang David tefa pakhat bantukin a ram cu a uk lai i atu thawk in caan donghnak tiang, hmaante le ding tein a uk lai. Ralkapbu Bawipa nih hi vialte hi tuah hrimhrim awkah aa tim.

ISAIAH 15:1

Hi hi Moab kong bia a si: Zan khatte ah Ar khua le Kir khua cu hrawh an si i Moab ram cu a ning piin a daidup ko.

SALM 110:2

Zion in a rami Bawipa nih, uknak nawl cu an pek tikah, “Na ral cu uk hna,” an ti lai i na nawl ngeihnak cu hmun dang tiangin a karh lai.

2 SIANGPAHRANG 3:5

Sihmanhsehlaw Ahab a thih tikah Moab siangpahrang nih cun Israel siangpahrang cu a doh.

1 SAMUEL 14:38

Cun Saul nih, “Hika ah hin ra tuah u, mizapi a hruaitu hna nan dihlak in; cun hi sualnak hi zeitindah nihin ah a thawh ti kha hngal u law, hmu tuah u.

NAMBAR 21:29

Maw Moab, ngaihchiat awk na va si dah! Maw Khemosh biami hna, nannih cu nan lo cang ai! A fapa hna cu ralzam ah a ser hna i, A fanu hna cu Amor mi siangpahrang Sihon sinah cun sal ah a ser hna.

HEBRU 7:14

Judah phun chungin a chuakmi a si ti kha fiang tein hngalh a si i Moses nih tlangbawi kong a chim tikah hi phun kong hi a telh lo.

NAMBAR 24:16

Pathian bia a thei i Cung Nung Bik hngalhnak a hngal i, A Lianngan Bik langhnak a hmu i a tlu i, Sihmanhsehlaw a mit huh a si lomi bia cu hihi an si:

2 SAMUEL 8:14

Cun Edom ram chungah ralvengtu ralkapbu kha a chiah hna; Edom ram chungah a dihlak in ralvengtu ralkapbu kha a chiah hna i Edom mi vialte cu David sal ah an cang. Cun Bawipa nih David cu a kalnak kip ah teinak a pek lengmang.

JEREMIAH 48:1

Moab kong ah Ralkapbu Bawipa, Israel Pathian nih hi bangin a ti: “Aize, Nebo cu a lo i a ṭiao cang ai! Kiriathaim cu lak a si cang i a mual a pho cang ai! Misgab cu ningzahnak a phan i a hnabei a dong cang;