NAMBAR 22:38 - Lai (Hakha) Common Language Bible 2006

³⁸ Balaam nih Balak sinah cun, “Zohhmanh, nangmah sin ka ra phan cang! Keimah thamtham cu zeihmanh chim khawhnak nawl ka ngei i mei? Pathian nih ka ka chung i a chiahmi bia lawng pei ka chim khawh ko lai cu,” tiah a ti.

NAMBAR 22:38 Խաչաձեւ Հղումներ

PHUNGTHLÛKBIA 19:21

Minung lung chungah khuakhannak tampi a um ko lai, sihmanhsehlaw Pathian tinhmi lawng kha a hmun lai.

NAMBAR 22:18

Sihmanhsehlaw Balaam nih a leh hna i Balak sal hna sinah cun, “Balak nih a inn cu sui le ngun a khat in ka pe hmanh seh law, Bawipa ka Pathian nawlbia lengah cun zeihmanh ka tuah kho lo.

ISAIAH 47:12

“Na camh le na eih vialte kha i chiah hna; na no lio tein na hman zungzalmi an si. A bawmh zong an hei in bawmh khawh ko hnga dahkaw, na ral kha an thin zong na hei phanter khawh ko hna hnga dahkaw!

ISAIAH 46:10

A hramthawk tein a phichuak zeidah a si te lai ti kha ka rak chim; thil um ding kha a um hlan piin ka rak chim. Kaa tinhmi cu ka tlolh bal lai lo, ka ti; tuah kaa timhmi cu a dihlak in ka tuah lai.

ISAIAH 44:25

Kut ṭial zohthiam kha mihrut ah ka canter hna i arfi zohthiam nih an chimchungmi kha pakpalawng ah ka canter. Mifim hna fimnak bia cu pakpalawng ah ka ser i an fimnak cu hruhnak a si kha ka langhter.

SALM 76:10

Minung thinhunnak nih cun nangmah thangṭhatnak tu kha a karhter chin lehlam; ral chungin a nung in a tangmi hna nih na puai kha an tuah hna lai.

SALM 33:10

Miphun dang nih tuah an i timhmi kha Bawipa nih pakpalawng ah a canter i tling kho loin a umter hna.

2 CHANRELNAK 18:13

Sihmanhsehlaw Mikaiah nih, “Bawipa a nun bangin, Bawipa nih ka sin i a chimmi cu, mah cucu ka chim ko lai,” tiah a ti.

1 SIANGPAHRANG 22:14

Sihmanhsehlaw Mikaiah nih, “Bawipa a nun bangin, Bawipa nih ka sin i a chimmi cu, mah cucu ka chim ko lai,” tiah a ti.

NAMBAR 22:37

Cun Balak nih Balaam cu, “Nangmah kawh awkah mi ka rak thlah hna, a si lo mei? Zeicaahdah ka sinah na rat lo? Upatnak an pe kho lo maw ka si?” tiah a ti.

NAMBAR 22:39

Cun Balaam cu Balak sinah cun a kal i Kiriath-huzoth an phan.

NAMBAR 22:8

Cun anih nih annih cu, “Tuzan cu hika ah hin riak u law, Bawipa nih ka sinah a chim bantuk paoh in, bia cu ka rak in phorh ṭhan hna lai,” tiah a ti. Cucaah Moab bawi hna cu Balaam sinah an riak.

1 SIANGPAHRANG 22:16

Sihmanhsehlaw siangpahrang nih a thawh i, “Biatak dah ti lo cu Bawipa min in ka sin i zeihmanh na chim lo awkah voi zeizat dah bia kan kamter lai?” tiah a ti.