NAMBAR 22:32 - Lai (Hakha) Common Language Bible 2006

³² Cun Bawipa vancungmi nih amah sinah cun, “Zeicaahdah hi voi thum tiang na laa kha na tuk? Zohhmanh, na tuahnak cu ka hmaiah a ṭha lomi a si caah nangmah kha donh awkah ka ra chuak.

NAMBAR 22:32 Խաչաձեւ Հղումներ

LAMKALTU 13:10

“Khuachia fa! Nangmah hi a ṭhami thil paohpaoh dohtu na si; nangmah hi hlennak ṭhalo a phunphun in na khat, Bawipa biatak hi lih i canter naa zuam zungzal.

PHUNGTHLÛKBIA 28:18

Ningcang tein khua a sami cu him tein an um lai, sihmanhsehlaw ningcang loin khua a sami cu lam khatkhat in a sung ṭhiamṭhiam lai.

NAMBAR 22:22

Sihmanhsehlaw a kal caah Pathian thinhunnak cu a alh i Bawipa vancungmi pakhat nih amah dawntu ah lam ah a dir. Amah cu laa cungah cun aa cit i a sal pahnih cu amah sinah an um.

PHUNGTHLÛKBIA 28:6

Sifak te i nun i lihchim lo tein um hi lihchim i rum nakin a ṭha deuh.

PHUNGTHLÛKBIA 14:2

Miding nih cun Bawipa kha an ṭih, sihmanhsehlaw midepde nih cun zei ah an rel lo.

MIKAH 6:5

Moab siangpahrang Balak nih nan cungah tuah a timhmi kha ruat tuah u, Maw ka mi hna; Cun zeitindah Beor fapa Baalam nih a leh kha ruat fawn tuah u; Bawipa nih nanmah khamhnak caah a tuahmi kha nan hngalh khawh nakhnga, Shittim in Gilgal tiang nan kalnak kha ruat tuah u.

JONAH 4:11

Cucaah cun hi Nineveh khua, a chung i keh le orh hmanh a hngal rih lomi ngakchia sing khat le sang hnih an umnak le saṭil rel cawk lo an umnak hi, zaangfah loin ka um awk a si hnga maw?” tiah a ti.

SALM 147:9

Saram kha rawl a pek hna i lang-ak no nih an awnh tikah rawl a pek hna.

SALM 145:9

Aho cung paoh ah a ṭha i a sermi hna an dihlak cungah zaangfahnak a ngei.

SALM 36:6

Na dinnak cu tlang nganpi bantukin a fek i na biakhiahnak cu rilipi bantukin a thuk. Bawipa, nangmah nih minung le saram cu na zohkhenh hna.

DEUTERONOMI 25:4

“Cawtum cu rawl a cil lioah a hmur nan ṭem lai lo.

DEUTERONOMI 23:4

zeicahtiah Izipt ram in nan chuah tikah lampi ah changreu le tiin an in dong hna lo i, Mesopotamia ram Pethor in Beor fapa Balaam kha nannih chiatserh awk caah an ruaih.

NAMBAR 22:35

Cun Bawipa vancungmi nih Balaam cu, “Mi hna sinah cun va kal ko, sihmanhsehlaw kan chimhmi bia lawnglawng na chim lai,” tiah a ti. Cucaah Balaam cu Balak bawi hna sinah cun a kal.

NAMBAR 22:28

Cu tikah Bawipa nih laa cu a holhter i Balaam sinah cun, “Na cungah zeidah ka tuah i voi thum tiang na ka tuk?” tiah a ti.

NAMBAR 22:20

Cun Pathian nih Balaam sinah zan ah a ra i, “Hi mi hna nih nangmah kawh awkah an rat ahcun, tho law, an sinah va kal ko; sihmanhsehlaw kan chimhmi lawnglawng kha na tuah lai,” tiah a sinah a ti.

NAMBAR 22:33

Laa nih khan a ka hmuh i voi thum tiang hin ka hmaiah a pial. Ka hmai in rak pial hlah seh law, amah cu thah loin nangmah kha ka rak in thah cang hnga,” tiah a ti.

PHUNGTHLÛKBIA 16:2

Na tuahmi cu a ṭha dih in na ruah ko lai, sihmanhsehlaw Bawipa nih naa tinhnak na lungthin cu a hngalh dih.