NAMBAR 22:23 - Lai (Hakha) Common Language Bible 2006

²³ Cun laa nih cun Bawipa vancungmi cu lamkalai ah vainam phawi cia i put in a dir ko kha a hmuh i, laa cu lam in a pial i lo chungah a kal; cun Balaam nih laa cu lam lei i mer ṭhan awkah a tuk.

NAMBAR 22:23 Խաչաձեւ Հղումներ

JUDAS 1:11

An caah ṭihnung a va si dah! Kain lam kha an zul. Tangka an duh ruangah Balaam nih palhnak a rak tuahmi leiah khan an kal ve. Korah nih Moses a rak doh bantuk khan mi doh an duh ve i amah bantuk khan hrawh an si ve.

2 PETER 2:16

sualnak a tuahmi ruangah cun mawhchiatnak a hmu. Holh a thiam lomi laa nih khan minung aw in bia a chim i profetpa cu a hruhnak kha a ngolter.

LAMKALTU 22:9

Ka sin i a ummi hna nih khan ceu cu an hmuh, sihmanhsehlaw bia a ka chimtu aw kha cu an thei lo.

DANIEL 10:7

Keimah Daniel lawnglawng nih cu langhnak cu ka hmuh, ka pawng i a ummi hna nih cun an hmu lo, sihmanhsehlaw ṭihnak nganpi nih khan a tlunhnawh hna i an i zukphiak dih i keimah lawng kha ka tang i hi langhnak nganpi cu ka zoh ko.

JEREMIAH 8:7

Van i a zuangmi vaca nih khin amah a kai caan te kha a hngalh i Ṭhuro le laiphudit le langta hna nih anmahle an kir caan te kha an hngalh cio, Sihmanhsehlaw ka mi hna nih cun ka phunglam kha an hngal lo.

1 CHANRELNAK 21:16

Cun David nih khua a hun zoh i van le vawlei karah Bawipa vancungmi a dir kha a hmuh, a kut in vainam phawi cia aa put i Jerusalem lei kha a sawh. Khi tikah David le upa hna cu buri an i aih i vawlei ah an bawk.

2 SIANGPAHRANG 6:17

Cun Elisha nih thla a cam i, “Maw Bawipa, a hmuh khawh nakhnga, a mit hi hun auter ko,” tiah a ti. Cucaah Bawipa nih tlangvalpa mit cu a auter i a hmuh; cun zohhmanh, Elisha velchum ah cun, tlang cu rang le mei rangleng in a khat.

NAMBAR 22:22

Sihmanhsehlaw a kal caah Pathian thinhunnak cu a alh i Bawipa vancungmi pakhat nih amah dawntu ah lam ah a dir. Amah cu laa cungah cun aa cit i a sal pahnih cu amah sinah an um.

NAMBAR 22:24

Cun Bawipa vancungmi cu mitsur dum le mitsur dum karlak i lam bi ah a dir i a kap hnih in hau a um veve.

JOSHUA 5:13

Joshua cu Jeriko khua pawngah a um tikah a mit a hun hler i a hun zoh i, zohhmanh, a hmaiah mipa pakhat a vainam zuh cia in a dir; Joshua cu a sinah a va kal i amah cu, “Kanmah caah maw na si, kan ral hna caah dah na si?” tiah a ti.