NAMBAR 20:13 - Lai (Hakha) Common Language Bible 2006

¹³ Mah hihi Meribah ti cu an si, Israel mi hna nih Bawipa cu bia an chuah i annih lak i a thiannak a langhternak hmun kha, a si.

NAMBAR 20:13 Խաչաձեւ Հղումներ

SALM 95:8

“Nan pupa hna kha Meribah ah lung hak in an rak um bang khan nannih cu um hlah u,

EXODUS 17:7

Cuka hmun cu “Hneksaknak” ti le “Siknak” tiin a min ah kawh a si; zeicahtiah Israel mi cu Bawipa he khan an i si i, “Bawipa hi kanmah leiah a ṭang maw ṭang lo dah?” ti in an hneksak ruangah khan cuticun min an sak cu a si.

DEUTERONOMI 33:8

Cun Levi kong ah: Bawipa, nangmah nih nan duhnak cu, “Thummim le Urim in phuang ko; Zumhawktlak nan sal hna, Levi mi hna thawngin langhter ko. Massah ah na hneksak i Meribah tiput ah zumhawktlak an sinak kha na langhter.

DEUTERONOMI 32:51

zeicahtiah Zin ramlak i Meribah-kadesh ti ah khan, Israel mi hna lakah khan, zumhawktlak loin nan ka umhnawh i, Israel mi hna lakah khan a thiangmi bantukin nan ka hmaizah lo.

EZEKIEL 38:16

Thlichia nih ram kha a hrawh bantukin ka mi Israel mi cu na hrawh hna lai. Cun caan hmanung bik caan ah cun, ka ram doh awkah keimah hrimhrim nih kan kalpi lai i nangmah hmang in ka tuahmi nih keimah cu ahodah ka si ti langhternak caah le ka thiannak langhternak caah, nang Gog, an hmangtu cu Keimah ka si kha miphun hna nih an hngalh lai, a ti.

EZEKIEL 36:23

Cu miphun hna sin i nan thurhhnawmhter cangmi a liannganmi ka min cu ka thianter lai. Annih nih nannih chungin ka thiannak ka langhter kha an hmuh tikah, miphun hna nih cun Bawipa ka si kha an hngalh lai, tiah Bawipa Pathian nih a ti.

EZEKIEL 20:41

Nan i ṭheknak ram hna le miphun hna chungin kan chuahpi hna i kan pumh hna tikah, nan raithawinak rim thaw cu kan cohlanpiak hna lai. Miphun vialte hmuh awkah keimah lawnglawng kha nan ka biak lai.

ISAIAH 5:16

Sihmanhsehlaw Ralkapbu Bawipa nih a lianhngannak cu ahmaanmi thil a tuahmi ah khan a langhter i a thiannak cu a mi hna an bia a ceihpiak hnanak ah khan a langhter.

SALM 81:7

Harnak nan in tikah nan ka auh i kan khamh hna. Khuadawm chung i kaa thuhnak hmun khin ka run in leh hna; Meribah cerh ah khan kan hneksak hna.

SALM 81:8

“Ka mi hna, ralrinnak kan pekmi hna hi ngai tuah u; Israel, ka bia hi ngai ko sawh!