NAMBAR 20:12 - Lai (Hakha) Common Language Bible 2006

¹² Cun Bawipa nih Moses le Aaron cu, “Nan ka zumh lo i Israel mi hna mithmuh ah nan ka thianter lo caah, cucaah nannih nih cun hi mirun hi ka pekmi hna ram chungah nan luhpi hna lai lo,” tiah a ti hna.

NAMBAR 20:12 Խաչաձեւ Հղումներ

DEUTERONOMI 1:37

Nanmah ruangah Bawipa cu keimah cung zongah a thin a hung i, ‘Nangmah zong khika ah na lut ve lai lo;

EZEKIEL 36:23

Cu miphun hna sin i nan thurhhnawmhter cangmi a liannganmi ka min cu ka thianter lai. Annih nih nannih chungin ka thiannak ka langhter kha an hmuh tikah, miphun hna nih cun Bawipa ka si kha an hngalh lai, tiah Bawipa Pathian nih a ti.

NAMBAR 27:14

zeitintiah Zin ramlak i mibu nih an zai lioah khan, an mithmuh ah, ti ah khan, keimah thangṭhat awk i ka bia kha na doh,” tiah a ti. (Hi ti cu Zin ramlak i a ummi Kadesh khua i Meribah ti kha an si.)

NAMBAR 20:24

“Aaron cu a mi hna sinah pumh a si cang lai; Meribah ti ah khan ka nawlbia nan doh caah, Israel mi hna ka pekmi ram ah khan a lut lai lo.

ROM 4:20

Pathian biakamhmi kha zum loin a um hlei lo, a zumhnak nih cun ṭhawnnak in a khahter i Pathian kha a thangṭhat ko.

LUKA 1:45

Bawipa bia na sinah a rami kha a tling taktak lai ti zumh cu na caah lunglawmh awk a va si hringhran dah,” tiah a ti.

LUKA 1:20

Ka bia cu na ka zum lo, asinain a caan a phak tikah cun a tling ṭhiamṭhiam te ko lai. Na zumh lo caah holh kho loin na um lai i kan chimhmi thil kha a tlin ni a phak hlantiang bia pakhat hmanh na chim kho lai lo,” tiah a ti.

MATTHAI 17:20

Jesuh nih cun, “Nan zumhnak a zat lo caah a si. Hihi va philh hlah u: Anṭam ci tiate hmanh zumhnak nan ngeih ahcun, hi tlang hi, ‘I thawn,’ ti u law aa thawn ko lai. Zei paohpaoh kha nan tuah khawh ko lai.

ISAIAH 8:13

Ralkapbu Bawipa keimah hi a thiangmi ka si kha philh hlah; na ṭih hrimhrim awk cu keimah hi ka si.

1 PETER 3:15

Sihmanhsehlaw nan lungthin chungin Khrih kha upat u law nan Bawi ah ser u. Ruahchannak nan ngeihmi kong kha, kan chim tuah u, an timi hna an um ahcun, zeitik caan paoh i chim kho dingin timhcia tein um zungzal u.

JOHAN 1:17

Pathian nih Phungbia cu Moses thawng khan a kan pek, sihmanhsehlaw vel le biatak cu Jesuh Khrih thawng khan a ra.

MATTHAI 17:17

Jesuh nih cun a leh i, “Nannih cu a zum kho lomi le a palhmi nan si hrimhrim ko. Zei can dah nan sinah ka um awk a herh lai? Zei can dah kan umpi hna a herh lai? Ngakchiapa cu ka sinah hin ratpi u,” tiah a ti hna.

EZEKIEL 38:10

Hihi Bawipa Pathian bia cu a si: Khi caan ah cun ruahnak pakhat na lu chungah a lut lai i ṭhat lonak khua na khan lai.

EZEKIEL 20:41

Nan i ṭheknak ram hna le miphun hna chungin kan chuahpi hna i kan pumh hna tikah, nan raithawinak rim thaw cu kan cohlanpiak hna lai. Miphun vialte hmuh awkah keimah lawnglawng kha nan ka biak lai.

ISAIAH 7:9

Israel cu Samaria khua nakin a ṭhawng deuh lo i Samaria cu Siangpahrang Pekah nakin a ṭhawng deuh fawn lo. “ ‘Na zumhnak a ṭhawn lo ahcun, na hmun hrimhrim lai lo,’ a ti, tiah hung chim,” a ti.

2 CHANRELNAK 20:20

Cun zingka tein an tho i Tekoa ramlak ah khan an va kal; cun an kal lioah khan Jehoshafat cu a dir i, “Judah ram mi hna le Jerusalem mi hna, ka bia thei tuah u! Bawipa nan Pathian cu zum u law fehter nan si lai; a profet hna kha zum hna u law nan hlawh a tling lai,” tiah a ti.

JOSHUA 1:2

“Ka sal Moses cu a thi cang; cucaah nangmah le hi mi vialte hna hi tho u law, hi Jordan tiva hi tan u law, anmah, Israel mi hna ka pek laimi ram chungah cun lut tuah u.

DEUTERONOMI 34:4

Cun Bawipa nih a chawnh i, “Mah hi ram hi Abraham, Isak le Jakob sinah, ‘Nan tefa hna sinah ka pek lai,’ tiin chiat ka sermi ram a si. Na mit cun kan hmuhter, sihmanhsehlaw khika ah cun na kal lai lo,” tiah a ti.

LEVITIKAS 10:3

Khi tikah Moses nih Aaron sinah, “Mah hihi Bawipa nih a chimmi cu a si, ‘Ka pawng i a ummi hna lakah thianghlim in kaa langhter lai i mi vialte hmaiah thangṭhat ka si lai,’ a ti,” tiah a ti. Cun Aaron cu dai tein a um ko.

NAMBAR 11:15

Mahtihin na ka tuah ding a si ahcun, hmakhatte ah ka that ko, na mithmai ah velngeihnak ka hmuh a si ahcun, ka retheihnak kha ka hmuhter hlah,” tiah a ti.

DEUTERONOMI 4:21

Cuhleiah nanmah ruangah Bawipa cu ka cungah a thin a hung i Jordan cu ka tan nakhnga lo le Bawipa nan Pathian nih co awkah an pekmi hna ram ṭha cu ka luh nakhnga lo, chiat a ser.

SALM 99:8

Bawipa kan Pathian, na mi nih na sinah thla kan camnak kha na kan leh; nangmah cu sualnak a ngaithiam khotu Pathian na si kha na kan hngalhter i kannih cu a sual lo ah na kan rel.

SALM 106:32

Bawipa cu a mi nih Meribah Cerh ah khan a thin an hunter i anmah ruangah cun Moses cu a awlok a chong.