NAMBAR 19:12 - Lai (Hakha) Common Language Bible 2006

¹² ni thumnak ni le ni sarihnak ni ah i thianhnak ti khan aa thianh lai i cu bangin a thiang lai; sihmanhsehlaw ni thumnak ni le ni sarihnak ni ah aa thianh lo ahcun a thiang lai lo.

NAMBAR 19:12 Խաչաձեւ Հղումներ

NAMBAR 31:19

Riahhmun lengah ni sarih riak u; nannih lakah mi a thatmi paoh le miruak a tawngmi paoh nih nanmah le nan sal hna cu ni thumnak ni le ni sarihnak ni ah nan i thianh lai.

BIAPHUAN 7:14

“Ka hngal lo, bawipa, Nangmah nih ta na hngalh deuh lai,” tiah ka leh. Cun a ka thawh i, “Hi mi hna hi hremnak nganpi a ingmi kha an si; Tuufa thi chungah an puan kha an suk i an puan cu an vaar cang.

LAMKALTU 15:9

Kannih le annih karlak ah zeihmanh thleidannak a tuah lo; annih nih an zumh caah an lungthin kha a thianter ve ko hna.

HOSEA 6:2

Amah hmaiah kan um khawh nakhnga Ni hnih hnuah cun a kan nunter ṭhan lai i A ni thum ni ah hmasa kan sining ah khan a kan chiah ṭhan lai.

EZEKIEL 36:25

Nan cungah ti thiang kan theh hna lai i nannih an thurhhnawmhtertu hna thil vialte khan kan thianh hna lai; nan siasal biaknak thurhhnawmhnak vialte khan kan thianh dih hna lai.

SALM 51:7

Ka sualnak cu ka hnawhpiak law ka thiang lai, ka ṭawl law hawhra nakin ka rang deuh lai.

LEVITIKAS 7:17

sihmanhsehlaw a kiptuh tiang thawinak sa a tangmi cu mei in khangh a si lai.

EXODUS 19:15

Moses nih cun a thawh hna i, “Kiptuh ah cun timh cia tein um u. Ahohmanh nu le pa si hlah u,” a ti hna.

EXODUS 19:11

kiptuh caah i ralring cia hna seh. Cu ni ah cun, Bawipa cu Sinai Tlang cungah ka rung ṭum lai i cuka ah cun mi zapi nih khan an dihlak in an ka hmuh khawh lai.

LEVITIKAS 14:7

cun thinghmui zawtnak in thianh awk a simi cu voi sarih a theh lai i amah cu a thiang tiah a thanh lai i a nungmi va cu ramlak ah cun a thlah lai.