NAMBAR 18:32 - Lai (Hakha) Common Language Bible 2006

³² A ṭha bikmi cu nan pekchanh tikah, sualnak mawhnak cu nan phor lai lo. Cun Israel mi hna thil thiang cu nan thurhhnawmh lai lo, nan thi sual hnga,” tiah a ti.

NAMBAR 18:32 Խաչաձեւ Հղումներ

LEVITIKAS 19:8

a eitu paoh nih a ṭhat lonak cu a in lai, zeitintiah Bawipa thil thiang pakhat a thurhhnawmh a si; cu pa cu a mi hna sinin hlonh a si lai.

LEVITIKAS 22:2

“Aaron le a fapale hna kha, keimah sinah Israel mi hna nih an ka pekmi thil thiang cu hrial hna seh, ka min thiang cu an thurhhnawmh nakhnga lo, tiah chim hna; keimah cu Bawipa ka si.

1 KORIN 11:29

Zeicahtiah chang kha a ei i hrai in a din tikah Bawipa pum sullam kha a hngalh lo ahcun a ei a din ah khan biaceihnak aa ei aa din chih.

1 KORIN 11:27

Cu bantuk ve in Bawipa thangchiatnak dingin a chang cu nan ei i a hrai cu nan din ahcun, cu bantukin a tuahmi paoh cu Bawipa pum le thi cung i sualnak a tuahmi nan si.

MALAKHI 1:7

Nannih nih nan i thawh i, “Zeitindah na min cu zeirello in kan um?” nan ti. Zeirello i nan um cu ka biakṭheng cung i a thurhnawmmi rawl nan ka pekchanh hi a si. Nannih nih nan i thawh i, “Zeitindah kan in thurhnawmh,” nan ti. Nan ka thurhhnawmhnak cu hitihin a si: Nan i thawh i, Bawipa cabuai cu zohhnawmh si ko seh,

NAMBAR 18:22

Cun atu thawk in Israel mi hna cu tonnak thlam pawngah an ra ti lai lo, an sualnak mawh phor in an thi sual hnga.

NAMBAR 18:31

nanmah le nan innchungkhar hna nih khuazeika hmanh ah nan ei khawh lai. Zeitintiah tonnak thlam chung i nan rianṭuan man a si.

NAMBAR 19:1

Cun Bawipa nih Moses le Aaron cu a chawnh hna i,

EXODUS 28:43

Aaron le a fapa hna nih khan pumhnak thlam chung i an luh fate le hmunthiang chung i tlangbawi rian ṭuan awkah biakṭheng an fuh fate, cu tawhrolhtawi cu an i hruk hrimhrim lai, zeicahtiah lang sual hna hlah seh law thah si hna hlah seh ti caah a si. Hihi Aaron le a fapa hna caah a hmunmi phunglam a si.