NAMBAR 18:23 - Lai (Hakha) Common Language Bible 2006

²³ Sihmanhsehlaw Levi mi nih tonnak thlam rian cu an ṭuan lai i palhnak a um ahcun anmah nih an in lai; nan tefa chin tiangin mah hihi nawlbia a si camcin lai; Israel mi hna lakah ro cu an ngei lai lo.

NAMBAR 18:23 Խաչաձեւ Հղումներ

NAMBAR 3:7

Puan biaknak inn ah rian an ṭuanpah in amah ca le aa pummi dihlak caah tonnak thlam hmaiah rian an ṭuan lai;

NAMBAR 18:20

Cun Bawipa nih Aaron cu, “An ram chungah ro na ngei lai lo, annih lakah covo zong na ngei lai lo, keimah cu Israel mi hna lakah na vo le na ro ka si.

NAMBAR 18:1

Cucaah Bawipa nih Aaron cu a chawnh i, “Nangmah le na fapale hna le na phunhawi hna nih hmunthiang he a pehtlai in ṭhat lonak cu nan in lai; cun nangmah le na fapale hna nih tlangbawi nan sinak he aa pehtlai in ṭhat lonak cu nan in lai.

EXODUS 27:21

Aaron le a fapa hna nih khan hi meiinn cu Pathian nih a mi hna a ton hnanak thlam chungah khan an chiah lai, cucu puanzar leng, biakamnak hngalhter ṭhantu lungtlap hna chiahnak biakamnak kuang hmaiah khan a si lai. Cuka ah cun, Pathian hmaika ah khan zanlei in zinglei tiang a alh zungzal lai. Hi nawlbia hi Israel mi le an tefa hna nih an zulh zungzal awk a si lai.

NAMBAR 26:62

Cun annih lak i relmi, thla khat ri in a cunglei pa hna cu, sang hnih le thong thum an si; annih cu Israel mi lakah rel an si lo, zeitintiah Israel mi lakah annih cu ro pek an si lo.

EZEKIEL 44:10

Sihmanhsehlaw Levi mi nih cun Israel mi hna nih a pingah an kal i an siasal kha an biak hna i an ṭhat lonak ruangah dantatnak an hmuh tikah khan, rak ka hlaw hna hmanh seh law, anmah ṭhiamṭhiam nih ka hmunthiang chungah rian an ṭuan lai.

NAMBAR 19:21

Cun mah hihi annih caah nawlbia a si camcin lai. Tlenghnak ti a thehtu nih khan a hnipuan a suk lai; cun tlenghnak ti a tawngmi kha zanlei tiang thianglo a si lai.

NAMBAR 35:29

“Cun mah thil hna hi nan caah nan tefa chin tiangin nan umnak kip ah nawlbia le phunglam an si lai.

DEUTERONOMI 10:9

Cucaah Levi cu a unau hna lakah covo siseh ro siseh a ngei lo; Bawipa nan Pathian nih amah sinah a chim bang khan, Bawipa cu a ro a si.)

JOSHUA 13:14

Levi phun lawng kha Moses nih ro a pek lomi cu a si; Bawipa Israel Pathian sinah mei in pekchanhmi thil cu, a chimh cang bang khan annih ro cu a si.