NAMBAR 18:22 - Lai (Hakha) Common Language Bible 2006

²² Cun atu thawk in Israel mi hna cu tonnak thlam pawngah an ra ti lai lo, an sualnak mawh phor in an thi sual hnga.

NAMBAR 18:22 Խաչաձեւ Հղումներ

LEVITIKAS 22:9

Biakinn cu an thurhhnawmh ruangah sual an huah i a chungah an thih sual nakhnga lo, ka nawlbia cu an ulh lai, keimah cu Bawipa ka si, keimah nih ka thianter hna.

NAMBAR 18:7

Cun nangmah le na fale hna nih biakṭheng le puanzar chung i a ummi thil he aa pehtlaimi vialte ah nan tlangbawi rian cu nan ṭuan lai; nannih nih nan bultawi lai. Nan tlangbawi rian hi laksawng ah kan pek hna; midang ahohmanh a pawngah a rami paoh cu thah a si lai,” tiah a ti.

NAMBAR 3:38

Cun puan biakinn hmailei nichuahlei, nichuak hoih tonnak thlam hmailei i riahhmun a khuar hnga ding cu Moses le Aaron le a fapa hna an si lai, Israel mi hna ca i tuah awk a simi paoh, hmunthiang chung i phunglam hna cu anmah rian a si lai; midang ahohmanh a ra naihmi paoh cu thah a si lai.

NAMBAR 3:10

Cun Aaron le a fapa hna cu rian na pek hna lai i an tlangbawi rian cu an ṭuan lai; sihmanhsehlaw midang ahohmanh nih a ra naih ahcun, amah cu thah a si lai,” tiah a ti.

LEVITIKAS 20:20

Pa pakhatkhat nih a pa unau nupi a ihpi ahcun a pa unau pumlawnnak a hlim a si, an sualnak cu an in lai; fa ngei loin an thi lai.

EXODUS 28:43

Aaron le a fapa hna nih khan pumhnak thlam chung i an luh fate le hmunthiang chung i tlangbawi rian ṭuan awkah biakṭheng an fuh fate, cu tawhrolhtawi cu an i hruk hrimhrim lai, zeicahtiah lang sual hna hlah seh law thah si hna hlah seh ti caah a si. Hihi Aaron le a fapa hna caah a hmunmi phunglam a si.