NAMBAR 18:21 - Lai (Hakha) Common Language Bible 2006

²¹ “Levi mi cu tonnak thlam chung i an rian, cu rianṭuan man ah cun Israel mi hna lak i cheu hra cheu khat cu ro caah ka pek hna.

NAMBAR 18:21 Խաչաձեւ Հղումներ

NEHEMIAH 12:44

Khi ni ah khan thil khonnak khaan le mi nih an thawhmi thil hna, theitlai hmasa bik hna le cheu hra cheu khat hna kha a zohkhenhtu dingah mi kan thiah hna; an rian cu tlangbawi hna le Levi mi hna ca i thawh awk tiin nawlbia nih a timi ningin khua kip nih an pawngkam i a ummi lo ning cio in an thawhmi rawl chiahnak khaan chung i rawn kha a si; zeicahtiah rian a ṭuantu tlangbawi hna le Levi mi hna cungah khan Judah mi vialte cu an i lawm.

NEHEMIAH 10:37

cun tlangbawi hna sinah kan changvut cet kan nawn hmasa bikmi le theikung tlai hmasa bik vialte, mitsur hang thar le chiti hna cu kan Pathian inn i thil chiahnak dal chungah khan rak put awkah bia kan i kam; cun kan lo chungin a chuakmi rawl cheu hra cheu khat cu lothlomi khua nih an thawhmi cheu hra cheu khat a khawltu Levi mi hna sinah khan rak chuahpi awkah bia kan i kam fawn.

HEBRU 7:5

Cun Levi tefa tlangbawi a simi hna kha Nawlbia nih Israel mi hna sinin cheu hra cheu khat nan khawlh hna lai, tiah a ti hna. Israel mi cu Abraham tefa an si ve ko nain le an phunhawi an si ko nain thawhlawm cu an kholh ko hna.

GALATI 6:6

Khrihfa phung cawnpiak a simipa nih khan, thil ṭha a hmuhmi vialte cu a saya kha a hrawm awk a si.

NEHEMIAH 13:12

Cun Judah ram mi vialte nih rawl le mitsur hang le chiti cheu hra cheu khat hna kha thilri khonnak inn chungah cun an rak put hna.

NEHEMIAH 10:29

Pathian sal Moses sinin pekmi Pathian phungbia kha zulh awk le Bawipa kan Bawipa nawlbia vialte le phunglam hna le a bia hna kha ulh awk le tuah awkah chiat an ser i biakamnak an tuah.

2 CHANRELNAK 31:12

Cun annih nih zumhawktlak tein thawhlawm le cheuhra cheukhat le pekchanhmi thil kha an rak put hna. Annih a zohkhenhtu bawi upa bik cu Levi mi Konaniah a si i a unau Shimei cu amah dottu a si;

NAMBAR 18:6

Cun zohhmanh, nan unau Levi mi hna cu Israel mi hna chungin ka lak cang hna; annih cu tonnak thlam rianṭuan awk i Bawipa sin le nan sin i pekmi laksawng an si.

GENESIS 14:20

Na ral an teitertu Cung Nung Bik Pathian cu thangṭhat si ko seh,” a ti. Cun Abram nih hranchaw a lakmi vialte cheuhra cheukhat a pek.

NAMBAR 31:28

Cun raldohnak ah a kalmi ralkap hna sinin Bawipa caah vo na lak lai, mi si hna seh, cawtum si hna seh, laa si hna seh, tuurun si hna seh, za nga ah pakhat in;

DEUTERONOMI 18:8

A pa sinin a comi ro lengah, annih nih ei awk cu aa zat cio ah an co lai.

NEHEMIAH 12:47

Cun Israel mi vialte nih Zerubbabel le Nehemiah chan ah khan hlasatu pawl le kutka cawngtu pawl kha nifa an covo a simi kha an pek hna; cun Levi mi ca i a simi kha a dang tein an chiah i Levi mi hna nih khan Aaron tefa hna ca i a simi kha a dang tein an chiah ve.

NEHEMIAH 13:5

changvut thawinak le frankinsen le umkheng hna le rawl cheu hra cheu khat hna le mitsur hang le chiti, nawlbia in Levi mi hna le hlasatu hna le kutka cawngtu hna pek awk le tlangbawi hna ca i thawhlawm pekmi hlan i an rak chiahnak khaan nganpi kha Tobiah caah cun a timh.

MALAKHI 2:4

Khi tikah hi biachahnak cu kan pek hna ti kha nan hngalh lai: Levi he biakamnak ka rak sermi cu vawlei ah a ril cang, tiah ralkapbu Bawipa nih a ti.

MALAKHI 3:10

Cheu hra cheu khat cu a dihlak in thawhlawm inn ah rak pu u, cun ka inn chungah cun rawl um seh. Ka hneksak tuah ngat u, van innka cu kan hunpiak hna le hunpiak hna lo; thluachuah vanluhnak cu kan thlethnawh hna le hnawh hna lo zoh tuah ngat u, tiah ralkapbu Bawipa nih a ti.

GENESIS 47:24

Nan ṭuan tikah cheu nga cheu khat kha Faro nan pek lai. A taangmi cu nanmah caah a si lai, nan lo tuh awk thlaici ca le nanmah le nan innchungkhar hna le nan fale hna ei awk rawl caah a si lai,” a ti.

GENESIS 47:26

Cuticun Josef nih Izipt ram chungah cun upadi pakhat a ser i cu upadi ah cun rawl a chuakmi vialte kha cheu nga cheu khat cu Faro ta a si. Cu upadi cu nihin tiang hin a hmun ko. Tlangbawi hna ram lawnglawng Faro ta ah cun an cang lo.

NAMBAR 3:6

“Levi phun cu nai ah ratpi hna law, tlangbawi Aaron hmaiah chia hna, amah cu bultawl hna seh.

NEHEMIAH 10:38

Levi mi hna nih cheu hra cheu khat an kholh tikah Aaron chung a simi tlangbawi pakhat kha aa tel ve lai; cun Levi mi hna nih cun cheu hra cheu khat cu kan Pathian inn ah khan, thil chiahnak dal chung i an ca i chiahmi khaan cio ah khan an rak chiah hna lai.