NAMBAR 18:19 - Lai (Hakha) Common Language Bible 2006

¹⁹ Israel mi nih Bawipa sinah an pekmi a thiangmi pekchanhnak vialte cu nangmah le na fapa hna le na fanu hna he nan hmuh camcin awkah kan pek; nangmah le na tefa hna caah cite in biakamnak Bawipa hmaiah a si zungzal lai,” tiah a ti.

NAMBAR 18:19 Խաչաձեւ Հղումներ

2 CHANRELNAK 13:5

Bawipa, Israel Pathian nih Israel mi cung i siangpahrang sinak cu David le a fapa hna sinah zungzal ca in cite biakamnak in a pek cang ti kha hngalh awk nan si lo maw?

NAMBAR 18:11

Mah zong hi na ta a si lai, an laksawng an pekchanhmi, Israel mi hna hninh thawinak vialte cu; mah hna hi nangmah le na fapa hna le na fanu hna sinah nan hmuh camcin awkah kan pek cang hna; na inn chung i a thiangmi paoh nih an ei khawh lai.

LEVITIKAS 2:13

Nan changvut thawinak vialte cu cite nan phulh hna lai; nan Pathian he biakamnak cite cu nan changvut thawinak vialte chungin nan bauter lai lo; nan pekmi vialte sinah cite nan pek chih lai.

2 CHANRELNAK 31:4

Cun tlangbawi hna le Levi mi hna kha Bawipa phungbia ah an i pek khawh nakhnga, Jerusalem mi hna cu tlangbawi hna le Levi mi hna nih an hmuh awk a simi kha nan pek hna lai tiah nawl a pek hna.

DEUTERONOMI 12:6

khika ah nan kal lai i khika ah nan khangh thawinak hna le nan raithawinak hna le nan cheu hra cheu khat hna le nan pekchanhmi pekchanhnak hna le, nan biakamnak pekchanhnak hna le nan mah lungthote pekchanhnak hna le nan saṭil run chung le nan tuurun chung i fater hna cu nan rak put hna lai;

NAMBAR 31:41

Cun Moses nih Bawipa pekchanh awk a simi vo kha tlangbawi Eleazar cu, Bawipa nih Moses nawl a pek bang khan, a pek.

NAMBAR 31:29

hnarcheu an covo a simi chung khan na lak lai i Bawipa sin i pekchanhnak caah tlangbawi Eleazar kha na pek lai.

NAMBAR 18:8

Cun Bawipa nih Aaron cu, “Zoh-hmanh, keimah sin i pekchanhmi thil hna chungin khangh lomi paoh cu nangmah kan pek, Israel mi hna an thil thiang vialte cu; mah thil hna cu na vo ah nangmah kan pek i an hmuh camcin awkah na fapale kha ka pek hna.

LEVITIKAS 7:14

Cun mah cu chung cun thawinak kip chungin changreu pakhat a thawi lai, Bawipa sin i thawinak caah; mah cucu daihnak thawinak hna thisen a thehtu tlangbawi ta kha a si lai.

DEUTERONOMI 12:26

Sihmanhsehlaw nan pekchanh awk a simi nan thil thianghlim hna le nan biakam pekchanhnak hna cu nan lak hna lai i Bawipa nih a thim laimi hmun ah cun nan kal lai,

2 SIANGPAHRANG 12:16

Phungbuar thawinak tangka le sual thawinak tangka cu Bawipa inn chungah an luhpi hna lo; tlangbawi hna ta a si.

EZEKIEL 43:24

Bawipa hmaiah khan na pekchanh hna lai; tlangbawi nih cite an phulh hna lai i Bawipa ca i khanghthawinak caah an thawi hna lai.

EXODUS 29:27

Aaron le a fapa hna thleidannak caah hmanmi tuukawng chung khan, a i cu thawinak caah na pekchanh lai i tlangbawi hna caah chiahmi a phei zong kha na pekchanh lai. Na pekchanh tikah na kut in na hler hna lai.

LEVITIKAS 21:22

A Pathian ta a simi changreu a ei ko lai, a thiang bik zong, a thiangmi thil zong,