NAMBAR 17:8 - Lai (Hakha) Common Language Bible 2006

⁸ Cun, a thaizing ah Moses nih hngalhternak thlam chungah a lut i zohhmanh, Levi phun ca i Aaron ṭhiangṭhunh cu a rak corh i a kuhkulul an chuak i an par i almond thei a hminmi an rak tlai.

NAMBAR 17:8 Խաչաձեւ Հղումներ

EZEKIEL 17:24

Ram chung thing vialte nih khan, Keimah cu Bawipa ka si kha an hngalh lai. Keimah nih thingkung a sangmi kha ka hau hna i thingkung a niammi kha ka santer hna i a romi kha ka hrinter hna. Hihi Bawipa nih ka chim i ka tuah lai, tiah a ti.

NAMBAR 17:5

Cun ka thimmipa i a ṭhiangṭhunh cu a corh lai; cu bangin Israel mi hna phunzainak, nangmah cung i an phunzainak cu, ka sinin ka daihter lai,” tiah a ti.

ISAIAH 4:2

Hi ram chung thing hna le ram vialte hna hi Bawipa nih ngan ngaingai le dawh ngaingai in a ṭhanter hna caan a phan lai. Israel mi chungin a tangmi vialte hna kha cu, an ram chungin rawl a chuakmi ah khan an i lawm ṭhan lai i an hmai a hngal ṭhan lai.

EZEKIEL 19:14

Amah nge chung lila khan mei a chuak i a nge vialte cu a kangh dih hna. Uktu bawi hna ca i ṭhiangṭhunh i ser awkah a ṭhawngmi nge a ngei ti lo,’ a ti,” tiah a ti. Hihi ṭah hla cu a si i zapi hmanmi ah a cang lan.

SALM 110:2

Zion in a rami Bawipa nih, uknak nawl cu an pek tikah, “Na ral cu uk hna,” an ti lai i na nawl ngeihnak cu hmun dang tiangin a karh lai.

GENESIS 40:10

nge pathum a ngei. A hnah an corh cangka khin a par kha an hung chuak colh i a thei cu an hung hmin colh.

HEBRU 9:4

Cu chungah cun rimhmui khanghnak sui biakṭheng le sui hutmi kuang, biakamnak an chiahnak kuang kha an um. Cu kuang cungah cun manna an chiahnak sui um, Aaron ṭhiangṭhunh a corhmi le nawlbia an ṭialnak lungtlap pahnih kha an chiah hna.

EZEKIEL 19:12

Sihmanhsehlaw thinhun in sam a si i vawlei ah hlonh a si; Nichuahlei thli nih a chem i a ro dih, A thei kha a choih dih hna, A nge ṭhawngṭhawng kha an ro dih i mei nih a kangh hna.

SOLOMON HLA 2:3

Ka duh dah ngai a val hawi lakah hnak thlai rem, Hung lang ai ngai thing ṭha hmawng lakin epalte khi bang, Hei ei ning law a thladem tangah thlum riangmang tein.

NAMBAR 16:5

Korah le a hawile vialte cu, “Zinglei ah Bawipa nih ahodah amah ta a si i ahodah a thiang ti kha a langhter lai i a pawngah a ratter lai. Amah nih a thimmi cu amah naih ah a ratter lai.

NAMBAR 17:9

Cun Moses nih Bawipa hmaika cun ṭhiangṭhunh vialte cu Israel mi vialte hna sinah a rak chuahpi hna i an zoh i an ṭhiangṭhunh cio kha an i lak.