NAMBAR 17:7 - Lai (Hakha) Common Language Bible 2006

⁷ Cun Moses nih hngalhternak thlam chungah khan Bawipa hmaiah ṭhiangṭhunh cu a chiah hna.

NAMBAR 17:7 Խաչաձեւ Հղումներ

LAMKALTU 7:44

“Kan pupa hna nih khan, Pathian kan sinah a um ti hngalhnak thlam kha thetse ram ah khan an rak i ngeih ko. Pathian nih Moses a chimh bantuk khan sermi a si i Moses nih a hmuhmi pungsan ning khan tuah a si.

EXODUS 38:21

Biakamnak lungtlap an chiahnak Pathian umnak thlam chung hmanmi thilri cu hihi a si: Cu thilri hna cu Moses nih a fial hna ningin tuahmi an si i tlangbawi Aaron fapa Ithamar kuttang i a ṭuanmi Levi mi hna nih an sermi an si.

NAMBAR 18:2

Cun nangmah sinah na unau hna, Levi phun, na pa phun kha, ratpi hna law, nangmah kha an in fonh lai i nangmah he a ummi na fapa hna le nangmah cu hngalhternak thlam hmaiah nan um lioah an in bawmh hna lai.

NAMBAR 1:50

sihmanhsehlaw Levi mi cu hngalhternak puan biakinn le a thilthuam vialte le a chung i a ummi thil vialte zohkhenhtu ah na chiah hna lai; annih nih puan biakinn le a thilthuam vialte an put awk le an zohkhenh awk a si lai i puan biakinn velchum ah cun riah hmun an khuar lai.

NAMBAR 1:53

sihmanhsehlaw Levi mi hna cu hngalhternak puan biakinn velchum ah riahhmun an khuar lai, Israel mi an bu cungah thinhunnak a um nakhnga lo; cun Levi mi nih hngalhternak puan biakinn cu an zohkhenh lai,” a ti.

NAMBAR 9:15

Puan biakinn an dirter ni ah cun, minmei nih puan biakinn, bia hngalhternak thlam cu a zelh i, zanlei ah cun puan biakinn cungah cun mei alh mui bantukin zinglei tiang a um.

NAMBAR 17:4

Cun, tonnak thlam chung hngalhternak hmai nangmah kan tonnak hmun ah khan na chiah hna lai.

NAMBAR 17:6

Moses nih Israel mi cu a chimh hna i an hruaitu vialte nih ṭhiangṭhunh cu an pek, hruaitu pakhat caah pakhat, an phun cio ning in, ṭhiangṭhunh hleihnih; Aaron ṭhiangṭhunh cu an ṭhiangṭhunh hna lakah a tel ve.

NAMBAR 14:10

Sihmanhsehlaw an bu ning piin, lung in cheh an zalh hna. Cun Bawipa sunparnak cu tonnak thlam ah khan Israel mi vialte sinah a lang.