NAMBAR 16:26 - Lai (Hakha) Common Language Bible 2006

²⁶ Cun aa pummi hna sinah cun, “Hi miṭhalo hna thlam hna hin ṭian u, tiah kan nawl hna, cun an thil zong zeihmanh tawng hlah u, an sualnak chungah fenh chih nan si sual lai,” tiah a ti.

NAMBAR 16:26 Խաչաձեւ Հղումներ

ISAIAH 52:11

Thil thiang a phortu hna, Babilon khan khulrang in chuak u. Tawngh lo ding timi thil kha tawng hna hlah u, thiang tein um u law khua kha chuahtak u.

BIAPHUAN 18:4

Cun vancung in aw pakhat ka theih ṭhan i, “Ka mi hna, chuak tuah u, Amah chung khan chuak tuah u! Sualnak a tuahmi ah khan i tel hlah u, Dantatnak a hmuh ding zong kha i hrawm hlah u.

2 KORIN 6:17

Cucaah Bawipa nih, “Annih cu nan kaltak hrimhrim hna lai i an sin cun nan i ṭhen hrimhrim lai. A thiang lomi kha zeihmanh tawng hlah u law kan cohlan hna lai.

1TIMOTE 5:22

Bawipa rianṭuantu ding caah ahohmanh khulrang tuk in kutchuannak va pe hna hlah. Midang tuahmi sualnak ah i tel loin thiang tein um i zuam ko.

LAMKALTU 13:51

Lamkaltu hna nih khan an kebeh cu an khawnhnawhtak hna i Ikonium ah an kal.

LAMKALTU 8:20

Sihmanhsehlaw Peter nih cun a leh i, “Pathian laksawng cu phaisa in ka cawk khawh lai tiah na ruah ruangah hin nangmah le na phaisa cu hell ah va tla ko u!

DEUTERONOMI 13:17

A zarhmi thil vialte cu pakhat hmanh nan kut in nan tawng lai lo; zeitintiah Bawipa nan Pathian aw cu nan ngaih i nihin ah kan pekmi hna a nawlbia vialte nan zulh i Bawipa nan Pathian mithmuh ah a dikmi kha nan tuah ahcun,

MATTHAI 10:14

Cun innchungkhar pakhatkhat nih siseh, khua pakhatkhat nih siseh, an in tlunter duh hna lo ahcun, cuka hmun cu va kaltak u law nan ke i aa behmi leidip kha va thing u.

GENESIS 19:17

Cun khua chungin an chuahpi dih hna hnuah khan vancungmi pakhat nih cun aa thawh i, “Nan nun nakhnga tli u! Hnulei zoh hlah u, nelrawn chungah dircon hlah u. Tlang ah tli u law nan thi lai lo,” a ti hna.

NAMBAR 16:25

Cun Moses cu a tho i Dathan le Abiram sinah a kal i Israel mi upa hna nih khan an zulh.

JEREMIAH 51:6

Babilon in zam tuah u, nan nunnak i khamh cio tuah u! Cu ti nan tuah lo ahcun, Hi caan hi Bawipa nih phu a hlam caan, lehrulhnak a pek caan a si caah Amah sualnak ruangah khan nan rawk ve sual lai.