NAMBAR 16:17 - Lai (Hakha) Common Language Bible 2006

¹⁷ Nannih nih nan meilaknak cio kha nan i lak lai i an cungah zihmui nan chiah cio hna lai i Bawipa hmaiah nan meilaknak cio cu nan chuahpi lai, meilaknak za hnih le sawm nga cu; nangmah zong Aaron zong nan meilaknak veve he nan chuak lai, a ti.

NAMBAR 16:17 Խաչաձեւ Հղումներ

1 SAMUEL 12:7

Cucaah dir ṭhep u law, Bawipa hmaiah Bawipa nih nanmah ca le nan pupa hna ca i khamhnak rian a ṭuanmi kha kan ruah tuah hna lai.

EXODUS 27:3

Biakṭheng caah cun hihi na ser hna lai: sathau nih a tlakhnawhmi vutcam ruhnak le laknak ah um le cawhlek le kheng le thirzum le meiṭil ruhnak kheng an si lai. Biakṭheng ca thilthuam vialte cu dar in na ser hna lai.

NAMBAR 16:16

Cun Moses nih Korah cu, “Thaizing ah nangmah le na hawile vialte, nangmah le annih le Aaron cu, Bawipa hmaiah hung chuak tuah u.

NAMBAR 16:18

Cu caah an meilaknak cio cu an i lak i an chungah mei an chiah i zihmui an phulh hna i tonnak thlam innka ah cun Moses le Aaron he tiah an dir.

EZEKIEL 8:11

An hmaiah cun Israel mi upa sawm sarih an dir i an laifang ah cun Safan fapa Jaazaniah kha a dir, pakhat nih zihmui kheng pakhat cio an i put i cu kheng chung cun rimhmui khu an chuak.