NAMBAR 16:11 - Lai (Hakha) Common Language Bible 2006

¹¹ Cucaah nangmah le na hawile vialte nih nan pumhhnawhmi cu Bawipa pei a si tiah; Aaron cu mi zeidah a si, a cung i nan phunzai hi?” tiah a ti.

NAMBAR 16:11 Խաչաձեւ Հղումներ

EXODUS 17:2

Moses cu an sik i, “Din awk ti kan pe,” an ti. Moses nih annih cu a leh hna i, “Zeicahdah keimah cu nan ka sik? Zeicahdah Bawipa cu hneksak nan del?” a ti hna.

1 KORIN 3:5

A ngaingai ti ahcun, Apollo cu ahodah a si? Paul cu ahodah a si? Pathian sal pei kan va si ko cu, Pathian an zumhtertu hna kha. Bawipa nih a kan pekmi rian cio kha pei kan hei ṭuan ko cu:

NAMBAR 16:3

Moses le Aaron kha an pumhhnawh hna i annih cu, “Nan luan cang! Mi zapi cu an thiang cio ko i Bawipa cu an lakah a um ve ko. A si kun ahcun zeicahdah Bawipa mibu cungah cun nan i hlorh?” tiah an ti hna.

ROM 13:2

Nawl a ngei liomi hna a dohtu cu Pathian nih si seh tiah a timi a dotu an si i cu bantukin a tuahmi nih cun an cungah biaceihnak an i tlunter lai.

LAMKALTU 5:4

Na thil cu na zuarh hlanah khan nangmah ta a si, cun na zuarh hnu zongah khan a man cu nangmah ta a si ṭhiamṭhiam ko. A si kun ahcun, zeicahdah cu bantuk thil tuah awkah cun na lung chungin na rak ruah? Minung sinah lih na chim a si ṭung lo, Pathian sinah pei lih na chim a si cu,” tiah a ti.

JOHAN 13:20

Biatak kan chimh hna: Rian ka fialmi tluninn a rak onhtu paoh nih keimah an ka onh a si, keimah tluninn a ka onhtu paoh nih a ka thlahtu tluninn a onh a si,” tiah a ti.

LUKA 10:16

A zultu kha a thawh hna i, “Nan bia a ngaimi paoh nih ka bia an ngaih a si, an hlawmi hna paoh nih keimah an ka hlawt a si, keimah a ka hlawmi paoh nih a ka thlahtu kha an hlawt a si,” tiah a ti.

1 SAMUEL 8:7

Cun Bawipa nih Samuel cu a chawnh i, “Mizapi nih na sinah an chimmi bia vialte ah an aw kha ngai tuah; zeitintiah nangmah an in hlawt a si lo, an cung i siangpahrang ka sinak hin keimah an ka hlawt a si.

1 KORIN 10:10

A cheu an rak phunzai bantuk khan nan phunzai awk a si lo, cu ti an tuah caah cun Thihnak Vancungmi nih a rak thah hna.

JUDAS 1:16

Hi mi hna hi a zungzal in an phun an zai i midang kha an mawhchiat zungzal hna; a sualmi an duhnak kha an zulh; anmah le anmah kha an i thangṭhat i anmah duhning paoh in thil a kal khawh nakhnga midang kha heh tiah an fak hna.

NAMBAR 11:1

Cun mi hna nih cun Bawipa theih ah sifah retheih an innak ruangah khan an zai; mah cucu Bawipa nih a theih tikah a thinhunnak cu a alh i Bawipa mei cu annih lakah a kang i riahhmun kikam i a ummi riahbuk a cheu khat hna cu an kang dih.

NAMBAR 16:12

Cun Moses nih Eliab fapa Dathan le Abiram kha auh awkah mi a thlah hna i, annih nih, “Kan hung lai lo.

1 CHANRELNAK 26:19

Mah hihi Korah mi hna le Merari fapa hna lak i kutka cawngtu hna an i ṭhenning cu an si.

SALM 106:16

Thetse ram ah cun Moses kha an nahchuah, Bawipa sal thiang Aaron zong kha an nahchuah;