NAMBAR 16:10 - Lai (Hakha) Common Language Bible 2006

¹⁰ Amah naih ah nanmah le nan unau Levi fapale hna cu nanmah he an kalpi hna hi, thil tetuai maw a si? Tlangbawi rian zong nan banh rih lai maw?

NAMBAR 16:10 Խաչաձեւ Հղումներ

3 JOHAN 1:9

Khrihfabu sinah ca tawite hi ka ṭial, sihmanhsehlaw an hruaitu si a duhmi Diotrefes nih khan cun ka chimmi hi zeihmanh ah a rel lai lo.

FILIPI 2:3

Pakhat le pakhat i entainak le mah pumpak thangṭhat kawlnak kha nan lakah umter hlah u. Toidornak lungthin tu kha ngei cio u law midang nakin ka ṭha deuh tiah zeitikhmanh ah vaa ruat hlah u.

ROM 12:10

Pakhat le pakhat kha Khrih ah u le nau bantukin i daw cikcek u law pakhat le pakhat kha i hmaizah u.

LUKA 22:24

Cun a zultu hna lakah khan, ahodah a ngan bik ah ruah awk a si, ti bia alnak kha a chuak.

PHUNGTHLÛKBIA 13:10

Uahfaihnak nih cun rem lonak lawng kha a chuahter. Sihmanhsehlaw aa nawl thiammi hawikom hna bu chungah cun fimnak a um.

NAMBAR 18:7

Cun nangmah le na fale hna nih biakṭheng le puanzar chung i a ummi thil he aa pehtlaimi vialte ah nan tlangbawi rian cu nan ṭuan lai; nannih nih nan bultawi lai. Nan tlangbawi rian hi laksawng ah kan pek hna; midang ahohmanh a pawngah a rami paoh cu thah a si lai,” tiah a ti.

NAMBAR 3:10

Cun Aaron le a fapa hna cu rian na pek hna lai i an tlangbawi rian cu an ṭuan lai; sihmanhsehlaw midang ahohmanh nih a ra naih ahcun, amah cu thah a si lai,” tiah a ti.

NAMBAR 18:1

Cucaah Bawipa nih Aaron cu a chawnh i, “Nangmah le na fapale hna le na phunhawi hna nih hmunthiang he a pehtlai in ṭhat lonak cu nan in lai; cun nangmah le na fapale hna nih tlangbawi nan sinak he aa pehtlai in ṭhat lonak cu nan in lai.

BIACEIHTU 17:12

Cun Mikah nih Levi mipa cu a thianter i tlangval cu a tlangbawi ah cun a cang i Mikah inn ah cun a um.

NAMBAR 3:6

“Levi phun cu nai ah ratpi hna law, tlangbawi Aaron hmaiah chia hna, amah cu bultawl hna seh.