NAMBAR 15:40 - Lai (Hakha) Common Language Bible 2006

⁴⁰ Cucaah nannih nih ka nawlbia vialte cu nan hngalh camcin lai i nan tuah lai i nan Pathian sinah nan thiang lai.

NAMBAR 15:40 Խաչաձեւ Հղումներ

ROM 12:1

Cucaah ka u le ka nau hna, Pathian nih a kan zaangfahnak a nganmi ruangah hin, Pathian sinah a nung in pekchanhmi raithawinak bantukin i pe tuah u; a rian ah aa pumpemi le cohlan awk tlakmi si tuah u; cucu biaknak taktak Pathian nan pek awk biaknak cu a si.

1THESALON 4:7

Pathian nih sualnak tuah lengmang dingin a kan au lo, mithiang si ding tu ah a kan auh.

KOLOSE 1:2

Pathian duhnak in Khrih Jesuh lamkaltu a simi keimah Paul le kan nau Timote nih ca kan in kuat hna. Pathian kan Pa nih vel le daihnak in pe ko hna seh.

EFESA 1:4

Vawlei a ser hlan in Pathian nih kannih cu Khrih chung i amah ta si dingin a kan thim cang, cucaah a hmaiah a thiangmi le soi awk um lomi kan si awk a si.

LEVITIKAS 19:2

“Hi bangin Israel mibu hna sinah va chim tuah; Nan thian awk a si, zeitintiah keimah, Bawipa nan Pathian cu ka thiang.

LEVITIKAS 22:31

“Cu bangin ka nawlbia cu nan ulh hna lai i nan tuah hna lai: keimah cu Bawipa ka si.

NAMBAR 15:41

Nan Pathian si awkah Izipt ram in an chuahpitu hna Bawipa nan Pathian cu ka si: keimah cu Bawipa nan Pathian ka si,” tiah a ti.

SALM 103:18

a biakamnak a zulmi le a nawlbia a ngaimi hna cungah cun Bawipa ṭhatnak cu cu bantuk cun a si.