NAMBAR 15:39 - Lai (Hakha) Common Language Bible 2006

³⁹ cun nannih nih hmumbor kha nan zoh lai i Bawipa nawlbia vialte kha tuah awkah nan hngalh ṭhan lai, i sum loin zulh nan duh tawnmi nanmah nan lung duhnak le mit duhnak kha nan zul ti lai lo.

NAMBAR 15:39 Խաչաձեւ Հղումներ

SALM 106:39

An thil tuahmi nih hin anmah cu a thurhnawmhter hna i Pathian sinah khan zumhawktlak in khua an sa lo.

SALM 73:27

Nangmah an hlawmi cu an thi hrimhrim lai, nangmah cungah zumhawktlak in a um lomi cu na hrawh hna lai.

EZEKIEL 6:9

Nannih cu ram dang i ṭhek nan si tikah, hi ka zuahmi hna, miphun dang hna sin i sal i a tangmi hna nih hin, an lungthin cu zeihmanh ruat loin ka sinin an i mer i an mit cu siasal duh ah a pingah an kal ruangah, zeitluk in dah ka lungthin a fah kha an hngalh lai. Khi tikah ṭhat lonak an tuahmi vialte le fihnung an tuahmi vialte ruangah khan anmah le anmah an i fih lai.

PHUNGTHLÛKBIA 28:26

Mah ruahnak i rinh cu hruh a si, sihmanhsehlaw fimnak lam a zulmi cu him tein a lan ko lai.

JEIM 4:4

Zumh awk tlak lo minung hna! Vawlei he i hawikomh hi Pathian he i ral a si ti kha nan hngal lo maw? Vawlei hawikom si a duhmi paoh nih cun Pathian ral ah an i ser ko.

PHUNGCHIMTU 11:9

Maw tlangval hna, nan tlanvalnak kha lawmhnak in hmang ko u, nan tlanval lioah hin nan lung nih lawmhnak hmu ko seh. Nan duhmi kha tuah ko u, nan lung a duh mi kha hmu ko u. (Sihmanhsehlaw nan tuahmi thil paoh ah khan Pathian nih bia a kan ceih lai, ti kha hngal ko u.)

PHUNGTHLÛKBIA 3:1

Ka fapa, kan cawnpiaknak cu philh hlah, Sihmanhsehlaw na lung nih ka nawlbia cu i cinken ko hna seh;

JOB 31:7

Lam khan ka ke hlan cu a pial i ka lung nih ka mit kha a zulh i ka kut ah hin hnawm aa benh ahcun,

DEUTERONOMI 29:19

Cu bantuk a simi pa nih hi chiatser biakamnak bia kha a theih tikah a lung chungin, ‘Ka lung khonnak hi zul ko hmanh ning law ka him ko lai,’ tiin amah le amah cu thluachuah aa pechom ko hnga. Mah cu nih cun a cin a hnawng le a ro a car an dihlak in rawknak a phakter hna lai.

HOSEA 2:2

Nan nu cu lem tuah u, Amah cu keimah nupi a si lo maw? Keimah cu a va ka si lo maw? Hlawhhlangnu muisam a kenmi cu a hlawt i a duhtu hna cu a ṭang in a ṭhen hna nakhnga, lem tuah u.

JEREMIAH 9:14

Annih nih an pupa hna nih an cawnpiak hna bang khan an lung a khong i Baal siasal lehlam kha an biak hna.

DEUTERONOMI 6:12

khi tikah Izipt ram, sal cannak inn a simi chung khan, an chuahpitu Bawipa kha na philh sual nakhnga lo, i ralring tuah.

DEUTERONOMI 4:23

Bawipa nan Pathian biakamnak nannih he a sermi cu nan philh sual i Bawipa nan Pathian nih an thlauhmi hna suaimi mui, zei mui a kengmi hmanh cu, nan ser sual nakhnga lo, i ralring tuah u.

EXODUS 13:9

Bawipa nih ṭhawnnak nganpi in Izipt ram in an chuahpi hna caah Bawipa phungbia cu nan chim zungzal awk a si lai, cu bantukin nan chim zungzal khawh nakhnga hi phunglam cu nan ban i nan i khihmi hmelchunhnak le nan cal i nan i ṭem chihmi ruah nolhtertu bantukin, thil an theih ṭhantertu hna a si lai.

DEUTERONOMI 8:11

“Nihin ah kan pekmi hna a phungbia hna le a phunglam hna le a nawlbia hna hi nan zulh lonak thawngin Bawipa nan Pathian cu nan philh sual nakhnga lo, i ralring tuah u;

DEUTERONOMI 8:14

nan lung a puam i Izipt ram chungin sal cannak innchung khan an chuahpitu hna Bawipa nan Pathian cu nan philh sual nakhnga lo, i ralring tuah u.

1 SIANGPAHRANG 12:33

Bethel khua chung i a ummi, amah nih a sermi biakṭheng ah cun, amah nih amah lung chung tein a tuaktanmi thla, thla riatnak thla, a ni hleinga ni ah cun a hung kal i Israel mi caah puai pakhat kha a fehter i zihmui khangh awkah biakṭheng ah khan a hung kal.