NAMBAR 15:31 - Lai (Hakha) Common Language Bible 2006

³¹ Bawipa bia kha a nautat caah le a nawlbia kha a buar caah cu pa cu hlonh hrimhrim a si lai; a ṭhat lonak cu amah cungah a si lai,” tiah a ti.

NAMBAR 15:31 Խաչաձեւ Հղումներ

PHUNGTHLÛKBIA 13:13

Chimhhrinnak bia zei ah a rel lomi nih amah cungah harnak a tlunter, sihmanhsehlaw a zulmi nih cun laksawng a hmuh lai.

2 SAMUEL 12:9

Zeicahdah ka mithmuh i ṭhat lonak tuah awkah Bawipa ka bia cu na zawmhtaih? Hit mi Uriah cu vainam in na tuk i a nupi cu nupi ah naa lak i amah cu Ammon mi hna vainam in na thah.

EZEKIEL 18:20

A thi ding cu midang si loin a sualmi kha a si lai; a fa nih a pa sualnak kha aa hrawm lai lo, a pa zong nih a fapa sualnak kha aa hrawm lai lo. Miding mi nih a dinnak theitlai kha a hmuh lai i miṭhalo nih a ṭhat lonak theitlai kha a zun ve ko lai.

1THESALON 4:8

Cucaah hi cawnpiaknak zulh a duh lomi cu, minung cawnpiaknak zulh a duh lo si loin, Thiang Thlarau an petu hna Pathian cawnpiaknak zulh a duh lo kha a si deuh.

SALM 119:126

Mi nih na phunglam kha an zulh duh ti lo caah atu caan hi na cawlcangh caan a si awk a hau.

LEVITIKAS 5:1

“Ahohmanh nih thil a hmuhmi ah siseh, a hngalhmi ah siseh, hngaltu a si i zapi hmaiah chiatsertertu aw a theih zongah a chim duh lo ahcun, a sual a ṭhat lonak kha amah nih a in lai.

2 PETER 2:21

Dinnak lam kha hngalh ṭung i nawlbia thiang kha mertak ṭhan nakcha cun, dinnak lam kha hngal lo lawlaw in rak um ah an caah a ṭha deuh suaumau hnga.

1 PETER 2:24

Khrih nih a pum hrimhrim in kan sualnak cu vailam tahnak ah khan a kalpi i cucaah kannih cu sualnak ah khan kan thi cang i dinnak ah kan nung cang. A hma in nan dam cang.

ISAIAH 53:6

Kannih cu kan dihlak in a tlaumi tuu bantuk kan si; kan duhnak cio paoh ah khan kan rak kal. Cucaah dantatnak cu Bawipa nih amah cung tu ah khan a tlunter i cu dantatnak cu kanmah tu nih kan in awk a rak simi kha a si.

ISAIAH 30:12

Sihmanhsehlaw Israel Pathian Thiang nih a chimmi cu hihi a si: “Kan chimhmi hna kha zei ah nan rel lo i zaang-ennak le hlennak tu kha nan i bochan.

SALM 38:4

Ka sualnak tilet chungah ka pil i ka sualnak cu an rih caah tangah an ka hnuh.

LEVITIKAS 26:43

Sihmanhsehlaw ram cu an kaltak lai i anmah um loin a ṭhin lioah a sabbath hna cu aa lawmhpi lai; cun ka phunglam kha zei ah an rel lo i an nunnak nih ka nawlbia kha an huat caah an ṭhat lonak dantatnak cu an co lai.

LEVITIKAS 26:15

ka phungbia kha zei i nan rel hna lo i nan nunnak nih ka phunglam kha a huat i cucaah ka nawlbia tuah duh loin ka biakamnak lehlam kha nan hrawh ahcun,

SALM 107:11

zeicahdah hi bantukin an si ti ahcun, Lianngan Bik Pathian nawl zulh kha an duh lo i a cawnpiak hnanak kha an al caah a si.

EXODUS 30:33

Hi bantuk chiti a sermi siseh, tlangbawi a si lomi thuhnak ca i hi chiti a hmangmi siseh, cu bantuk mi cu a phunhawi sinin thlei an si lai,’ tiah na chimh hna lai,” a ti.

NAMBAR 9:13

Sihmanhsehlaw a thiang a si i khual a tlawng lo nain lanhtak puai ulh loin a um menmi cu, cu mi cu a mi hna sinin hlonh a si lai, zeicahtiah Bawipa sin pekchanhnak cu a caan khiahmi te ah khan a pek lo caah; mah mi nih cun a sualnak cu a phorh ko lai.

DEUTERONOMI 17:12

Bawipa nan Pathian hmai i rianṭuan awkah a dirmi tlangbawi siseh, biaceihtu siseh, an bia ngaih loin hramhram in a tuahtu cu a thih awk a si lai; cuticun Israel chungin ṭhat lonak cu nan thianh lai.

1 SAMUEL 3:14

Cucaah Eli innchungkhar hna cu raithawinak in siseh, pekchanhnak in siseh, sualthianhpiak khawh, zungzal in an si lai lo, tiah Eli innchungkhar hna sinah cun chiat ka ser cang,” tiah a ti.