NAMBAR 15:29 - Lai (Hakha) Common Language Bible 2006

²⁹ Hngalh loin palhnak a tuahmi caah phungbia pakhat lawnglawng nan ngei lai, amah cu Israel mi taktak a si ah siseh, an lak i a pemmi khual a si ah siseh.

NAMBAR 15:29 Խաչաձեւ Հղումներ

NAMBAR 15:15

Hi mibu chungah, nannih caah le nannih an pemmi hna khual caah nawlbia pakhat a si lai, nan tefa chin tiangin a dong lo nawlbia a si lai. Bawipa hmaiah mipem zong cu nanmah bantuk an si ve lai.

NAMBAR 9:14

Cun nan lakah khual pakhat a pem i Bawipa sin lanhtak puai cu a nawlbia le a phunglam ning in ulh a duh ve ahcun, cu bantuk cun tuah ko seh; mipem ca le mah ram mi caah nawlbia pakhat lawng nan ngeih awk a si lai,” tiah a ti.

LEVITIKAS 17:15

Cun amah thih in a thimi siseh, sa nih a sehmi siseh, a eimi paoh cu anmah rammi a si ah khual a si ah, a thilpuan kha a suk hna lai i ti in aa kholh lai i zanlei tiang thianglo a si lai; cu hnuah cun a thiang lai.

LEVITIKAS 16:29

“Cun mah hihi nannih nan phung zungzal a si lai, thla sarih thla a ni hra ni ah nan i temhinter lai i nanmah mi hrimhrim nih siseh, khual nan sin i a ummi nih siseh, rian nan ṭuan lai lo;

LUKA 12:48

Sihmanhsehlaw a bawipa duhnak a hngal lo i asinain tuk awk tlak a simi thil a tuahmi cu a dinmi tuknak a in lai. Tampi pekmi cu tampi hal ṭhan a si ve lai; tam deuh pek a simi cu tam deuh hal ṭhan a si ve ko lai,” tiah a ti.

LEVITIKAS 4:2

timh ciammam si loin sualnak a tuah i Bawipa nawlbia a buarmi hna cu a tanglei nawlbia hi an zulh a hau lai, va ti hna.

NAMBAR 15:28

Cun tlangbawi nih, palhnak a tuahmi caah khan Bawipa hmaiah remnak a ser lai; cu pa nih hngalh loin a sual tikah remnak a serpiak lai i ngaihthiam a si lai.

NAMBAR 15:30

Sihmanhsehlaw ahohmanh nih, Israel mi taktak a si ah siseh, mipem a si ah siseh, lungpuam in sualnak a tuah ahcun, Bawipa kha a thangchiat a si, cu pa cu a mi hna lakin hlonh a si lai.

EXODUS 12:49

Cu phunglam nih cun Israel mi taktak zong kha a nenh hna i nan sin i khua a sami ramdangmi zong kha a nenh hna,” tiah a ti.

JOSHUA 8:33

Cun Israel mi vialte cu, mipem he Israel mi chungchuak taktak he, an upa hna le an bawi hna le an biaceihtu hna he tiah, Bawipa biakamnak kuang a putu Levi mi tlangbawi hna hmai kuang hmailei le hnulei ah cun an dir, hnarcheu cu Gerizim Tlang hmaiah, hnarcheu cu Ebal Tlang hmaiah; Bawipa sal Moses nih a thawkterte ah Israel mi cu thluachuah nan pek hna lai, ti i nawl a rak pek hna bang khan.

1 SIANGPAHRANG 8:41

“Cu bantukin, na mi Israel mi a si lomi ramdangmi nih na min ruangah lam hlatpi ram in a rat i.